ಅಂಡಾರು, ಹೆಬ್ರಿ ಪರಿಸರದಲ್ಲಿ ಬೇಸಗೆ ಮಳೆ

ಅಜೆಕಾರು: ಅಂಡಾರು ಶಿರ್ಲಾಲು ಕೆರ್ವಾಸೆ ಪರಿಸರದಲ್ಲಿ ಫೆ 27ದಂದು ಸಂಜೆ ಬೇಸಗೆ ಮಳೆ ಸುರಿದಿದೆ.

ಸುಮಾರು ಅರ್ಧ ಗಂಟೆಗಳ ಕಾಲ ಸಾಧಾರಣ ಮಳೆ ಸುರಿದಿದ್ದು ಸೆಖೆಯಿಂದ ಬೇಸತ್ತಿದ್ದ ಜನರಿಗೆ ಸಂತಸ ತಂದಿದೆ.

ಕಳೆದ ಡಿಸೆಂಬರ್‌ವರೆಗೂ ಈ ಪರಿಸರದಲ್ಲಿ ಮಳೆ ಸುರಿದಿದ್ದು, ಈ ವರ್ಷದ ಜನವರಿ ತಿಂಗಳಲ್ಲಿ ಮಾತ್ರ ಮಳೆ ಬಿದ್ದಿರಲಿಲ್ಲ. ಈಗ ಫೆಬ್ರವವರಿ ತಿಂಗಳಲ್ಲಿ ಬೇಸಗೆ ಮಳೆ ಬಿದ್ದಿದೆ.
ಸುಗ್ಗಿ ಭತ್ತದ ಬೆಳೆ ಬೆಳೆದ ರೈತರಿಗೆ ಕೆಲವು ಕಡೆ ಮಳೆಯಿಂದಾಗಿ ಸ್ವಲ್ಪ ಮಟ್ಟಿನ ತೊಂದರೆಯಾಗಿದೆ.

ಅಜೆಕಾರು ಮುನಿಯಾಲು ಮಾಳ ಬಜಗೋಳಿ ಪರಿಸರದಲ್ಲಿ ಬೆಳಗ್ಗೆಯಿಂದಲೇ ಮೋಡ ಕವಿದ ವಾತಾವರಣವಿದ್ದರೂ ಮಳೆ ಬಿದ್ದಿಲ್ಲ.