Sullia: ನಿಷೇಧಿತ ಪ್ಲಾಸ್ಟಿಕ್ ಮಾರಾಟಕ್ಕೆ ತಡೆ; ಪ್ಲಾಸ್ಟಿಕ್‌ ವಶ

ಸುಳ್ಯ: ನಿಷೇಧಿತ ಪ್ಲಾಸ್ಟಿಕ್‌ ಮಾರಾಟ ಮಾಡುವ ವಾಹನವನ್ನು ಸುಳ್ಯ ನಗರ ಪಂಚಾಯತ್‌ ಅಧಿಕಾರಿಗಳು ತಡೆದು ಪ್ಲಾಸ್ಟಿಕ್‌ ವಶಪಡಿಸಿಕೊಂಡಿರುವ ಘಟನೆ ಶನಿವಾರ ನಡೆದಿದೆ.

ಆಮ್ನಿ ವಾಹನದಲ್ಲಿ ಮಂಗಳೂರಿನಿಂದ ನಿಷೇಧಿತ ಪ್ಲಾಸ್ಟಿಕ್‌ ತಂದು ಸುಳ್ಯ ನಗರದ ಕುರುಂಜಿಭಾಗ್‌ನಲ್ಲಿ ಅಂಗಡಿಗಳಿಗೆ ಮಾರಾಟ ಮಾಡುತ್ತಿದ್ದಾರೆಂಬ ಮಾಹಿತಿ ಪಡೆದ ಸುಳ್ಯ ನಗರ ಪಂಚಾಯತ್‌ ಮಾಜಿ ಅಧ್ಯಕ್ಷ ವಿನಯ ಕುಮಾರ್‌ ಕಂದಡ್ಕ ಅವರು ಕುರುಂಜಿಭಾಗ್‌ಗೆ ಹೋಗಿ ಧೃಢಪಡಿಸಿಕೊಂಡು ನಗರ ಪಂಚಾಯತ್‌ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದರು.

ಕೂಡಲೇ ನಗರ ಪಂಚಾಯತ್‌ ಸಿಬಂದಿ ಸ್ಥಳಕ್ಕೆ ತೆರಳಿದ್ದಾರೆ. ಬಳಿಕ ವಿನಯ ಕುಮಾರ್‌ ಕಂದಡ್ಕ, ನ.ಪಂ. ಸಿಬಂದಿಗಳಿದ್ದು, ಪ್ಲಾಸ್ಟಿಕ್‌ ವಶಪಡಿಸಿಕೊಳ್ಳಲಾಗಿದೆ.