ಆತ್ಮಹತ್ಯೆ: ತಡೆಯುವ ಕ್ರಮಗಳು

ಹಿಂದಿನ ವಾರದಿಂದ- ಯಾರಾದರೊಬ್ಬರು ಆತ್ಮಹತ್ಯೆಯ ಬಗ್ಗೆ ಗಂಭೀರವಾಗಿ ಆಲೋಚಿಸುತ್ತಿದ್ದಾರೆ 
ಎಂಬುದರ ಎಚ್ಚರಿಕೆ ಸಂಕೇತಗಳು: ಆತ್ಮಹತ್ಯೆ ಮಾಡಿಕೊಳ್ಳುವ ಅಪಾಯ ಹೊಂದಿರುವ ವ್ಯಕ್ತಿಗಳು ಬಹುತೇಕ ಬಾರಿ ವಾಚಿಕ, ವರ್ತನಾತ್ಮಕ ಮತ್ತು ದೈಹಿಕ ಸೂಚನೆಗಳನ್ನು ಹೊಂದಿರುತ್ತಾರೆ. ಅವುಗಳೆಂದರೆ:

ವರ್ತನಾತ್ಮಕ ಸೂಚನೆಗಳು
– ಏಕಾಕಿಯಾಗುವುದು
– ಮನೋಭಾವ ಅಥವಾ ವರ್ತನೆಯಲ್ಲಿ ಹಠಾತ್‌ ಬದಲಾವಣೆ
– ಮಾದಕವಸ್ತುಗಳ ಸೇವನೆ ಅಥವಾ ಮದ್ಯಪಾನ
– ಆತ್ಮಹತ್ಯೆಗೆ ಪ್ರಯತ್ನ ಅಥವಾ ಸ್ವಹಾನಿಯ ಪ್ರಯತ್ನ
– ಶಾಲೆ ಅಥವಾ ಕೆಲಸದಲ್ಲಿ ಕಷ್ಟಪಡುವುದು
– ಚಟುವಟಿಕೆಗಳನ್ನು ನಿಲ್ಲಿಸುವುದು
– ರೂಢಿಗತ ಚಟುವಟಿಕೆಗಳಲ್ಲಿ ನಿರಾಸಕ್ತಿ
– ನಿದ್ದೆ ಮಾಡುವುದಕ್ಕೆ ಅಥವಾ ಆಹಾರ ಸೇವಿಸುವುದಕ್ಕೆ ನಿರಾಸಕ್ತಿ, ಕಷ್ಟ
– ಅತಿ ವೇಗದಲ್ಲಿ ಚಲಾಯಿಸುವುದೇ ಮುಂತಾದ ಅಪಾಯಕಾರಿ ವರ್ತನೆಗಳು

ದೈಹಿಕ ಸೂಚನೆಗಳು
– ತಮ್ಮ ಸ್ವರೂಪ, ವೈಯಕ್ತಿಕ ನೈರ್ಮಲ್ಯ, ಬಟ್ಟೆಬರೆಯ ಬಗ್ಗೆ ನಿರಾಸಕ್ತಿ
– ದೀರ್ಘ‌ಕಾಲಿಕ ನೋವು ಮುಂತಾಗಿ ಸತತ ದೈಹಿಕ ದೂರು 
– ಹಸಿವು ನಷ್ಟ ಅಥವಾ ಹೆಚ್ಚುವುದರಿಂದ ತೂಕ ನಷ್ಟ ಅಥವಾ ಗಳಿಕೆ
– ಏಕಾಗ್ರತೆಯ ಕೊರತೆ ಅಥವಾ ದಣಿವು

ವಾಚಿಕ ಸೂಚನೆಗಳು
– ತನ್ನನ್ನು ತಾನು ಕೊಂದುಕೊಳ್ಳುವ ಬೆದರಿಕೆ
– “ನಾನು ಸತ್ತು ಹೋದರೆ ಯಾರಿಗೂ ಏನೂ ನಷ್ಟವಿಲ್ಲ’ ಮುಂತಾದ ಮಾತುಗಳು
– ಇತರರಿಗೆ ಹೊರೆಯಾಗಿರುವ ಬಗ್ಗೆ ಮಾತನಾಡುವುದು
– ನಿಕಟ ಬಂಧುಗಳು, ಕುಟುಂಬಿಕರು, ಗೆಳೆಯ ಗೆಳತಿಯರಿಗೆ ವಿದಾಯ ಹೇಳುವುದು, ಮೌಲ್ಯಯುತ ಅಥವಾ ತುಂಬಾ ಇಷ್ಟವಾದ ವಸ್ತುಗಳನ್ನು ತೊರೆಯುವುದು ಅಥವಾ ವಿಲ್‌ ಬರೆಯುವುದು.
(ಮುಂದುವರಿಯುತ್ತದೆ)