Subrahmanya: ಮಹಿಳೆಯ ಚಿನ್ನದ ಕರಿಮಣಿ ಸರ ಕಳವು

ಸುಬ್ರಹ್ಮಣ್ಯ: ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಕ್ಕೆ ಬಂದ ಮಹಿಳೆಯೋರ್ವರ ಚಿನ್ನದ ಕರಿಮಣಿ ಸರ ಕಳವಾದ ಘಟನೆ ಅ. 22ರಂದು ನಡೆದಿದೆ.

ಕಡಬದ ಇಚ್ಲಂಪಾಡಿ ಬರೆಮೇಲು ದಿನೇಶ್‌ ಕುಮಾರ್‌ ಅವರ ಪತ್ನಿ ಭಾರತಿ ಎಂ. ಡಿ. ಕರಮಣಿ ಕಳೆದುಕೊಂಡವರು. ಕುಕ್ಕೆಗೆ ಭೇಟಿ ನೀಡಿದ್ದ ಅವರು ದೇವರ ದರ್ಶನ ಪಡೆದು ಆರತಿ ತೆಗೆದುಕೊಳ್ಳುವ ಸಮಯ ಅವರ ಕುತ್ತಿಗೆಯಲ್ಲಿದ್ದ 4 ಪವನ್‌ ತೂಕದ ಕರಿಮಣಿ ಸರ ನಾಪತ್ತೆಯಾಗಿರುವುದು ಗಮನಕ್ಕೆ ಬಂದಿದೆ.

ದೇಗುಲದ ವಠಾರದಲ್ಲಿ ಹುಟುಕಾಟ ನಡೆಸಿದರೂ ಸರ ಪತ್ತೆಯಾಗದ ಹಿನ್ನೆಲೆಯಲ್ಲಿ ಸುಬ್ರಹ್ಮಣ್ಯ ಪೊಲೀಸರಿಗೆ ದೂರು ನೀಡಿದರು. ಕರಿಮಣಿ ಸರದ ಅಂದಾಜು ಮೌಲ್ಯ 1. 4 ಲಕ್ಷ ರೂ. ಎನ್ನಲಾಗಿದೆ. ಸುಬ್ರಹ್ಮಣ್ಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.