ಬಿಷಪ್‌ ವಿರುದ್ಧ ಆರೋಪಪಟ್ಟಿ ಸಲ್ಲಿಕೆ

ತಿರುವನಂತಪುರ: ಕ್ರೈಸ್ತ ಸನ್ಯಾಸಿನಿ ಮೇಲೆ ಅತ್ಯಾಚಾರ ಎಸಗಿದ ಆರೋಪ ಹೊತ್ತಿರುವ ಜಲಂಧರ್‌ ಬಿಷಪ್‌ ಫ್ರಾಂಕೋ ಮುಲಕ್ಕಲ್‌ ವಿರುದ್ಧ ಕೇರಳ ಪೊಲೀಸರ ವಿಶೇಷ ತನಿಖಾ ತಂಡ ಮಂಗಳವಾರ ಆರೋಪಪಟ್ಟಿ ಸಲ್ಲಿಸಿದೆ. ಪ್ರಕರಣ ಸಂಬಂಧ ಬಂಧನ ಕ್ಕೊಳಗಾದ 7 ತಿಂಗಳ ಬಳಿಕ ಚಾರ್ಜ್‌ಶೀಟ್‌ ಸಲ್ಲಿಸಲಾಗಿದೆ. ಮುಲಕ್ಕಲ್‌ಗೆ ಶಿಕ್ಷೆ ವಿಧಿಸುವಂತೆ ಧರಣಿ ನಡೆಸುತ್ತಿದ್ದ ನನ್‌ಗಳು ಈ ಬೆಳವಣಿಗೆ ಕುರಿತು ಹರ್ಷ ವ್ಯಕ್ತ ಪಡಿಸಿದ್ದಾರೆ. “ನಮ್ಮ ಹಲವಾರು ತಿಂಗಳ ಹೋರಾಟದ ಕಾರಣ ಈ ಪ್ರಕರಣ ಈಗ ತಾರ್ಕಿಕ ಹಂತ ತಲುಪಿದೆ. ಮುಲಕ್ಕಲ್‌ಗೆ ಗರಿಷ್ಠ ಶಿಕ್ಷೆ ವಿಧಿಸುವಂತೆ ನಾವು ಮನವಿ ಮಾಡುತ್ತೇವೆ’ ನನ್‌ ಅನುಪಮಾ ತಿಳಿಸಿದ್ದಾರೆ.