ವಿದ್ಯಾರ್ಥಿಗಳಲ್ಲಿ ಸಂಶೋಧನಾ ಪ್ರವೃತ್ತಿ ಅಗತ್ಯ

ಧಾರವಾಡ: ವಿದ್ಯಾರ್ಥಿಗಳಲ್ಲಿ ಸದಾ ಸಂಶೋಧನಾ ಪ್ರವೃತ್ತಿ ಬೆಳೆಯಬೇಕು ಎಂದು ವಿಜಯಪುರ ಜ್ಞಾನಯೋಗಾಶ್ರಮದ ಸಿದ್ದೇಶ್ವರ ಸ್ವಾಮೀಜಿ ಹೇಳಿದರು.

ನಗರದ ಜೆಎಸ್‌ಎಸ್‌ ಶ್ರೀ ಮಂಜುನಾಥೇಶ್ವರ ಐಟಿಐ ವಿದ್ಯಾರ್ಥಿಗಳು ತಯಾರಿಸಿದ ರೈತ ಸ್ನೇಹಿ ಉಪಕರಣ ವೀಕ್ಷಿಸಿ ಅವರು ಮಾತನಾಡಿದರು. ವಿದ್ಯಾರ್ಥಿಗಳಿಗೆ ಕೇವಲ ಜ್ಞಾನ ಪಡೆಯುವುದೇ ಉದ್ದೇಶವಾಗಬಾರದು. ಅದರ ಬದಲು ಪಡೆದ ಜ್ಞಾನ ಸಮಾಜಕ್ಕೆ ಉಪಯೋಗವಾಗಬೇಕು. 

ನೂತನ ಅವಿಷ್ಕಾರ, ಸಂಶೋಧನೆಗಳ ಕಡೆ ವಿದ್ಯಾರ್ಥಿಗಳು ಗಮನ ನೀಡಬೇಕು. ಇಂತಹ ಅವಿಷ್ಕಾರಗಳು ಇಂದಿನ ಅಗತ್ಯವಾಗಿದೆ ಎಂದರು. ಸೈಕಲ್‌ ಪೆಡಲ್‌ನಿಂದ ನೀರು, ಸ್ವಯಂ ಚಾಲಿತ ಔಷಧಿ ಸಿಂಪಡಣೆ, ಕಸ ತೆಗೆಯುವ ಸಾಧನಗಳನ್ನು ವೀಕ್ಷಿಸಿದ ಶ್ರೀಗಳು, ಇವುಗಳಿಗೆ ವಿದ್ಯುತ್‌ ಹಾಗೂ ಇಂಧನಗಳ ಅವಶ್ಯಕತೆ ಇಲ್ಲದ್ದನ್ನು ಪ್ರಶಂಸಿದರು. 

ಡಾ| ಅಜಿತ ಪ್ರಸಾದ, ಮಹಾವೀರ ಉಪಾಧ್ಯೆ, ಬಿ.ಡಿ ಪಾಟೀಲ, ಶಂಭು ಬಳಿಗಾರ, ಐಟಿಐ ಸಿಬ್ಬಂದಿ, ವಿದ್ಯಾರ್ಥಿಗಳು ಇದ್ದರು.