Kerala: ಶೀಘ್ರವೇ ಕೇರಳದಲ್ಲೂ ತಿಂಗಳಿಗೆ 4 ಬ್ಯಾಗ್‌ ರಹಿತ ದಿನ

ನವದೆಹಲಿ:  ಮಣ ಭಾರದ ಶಾಲಾ ಬ್ಯಾಗ್‌ಗಳನ್ನು ಹೊತ್ತು ಶಾಲೆಗೆ ಬರುವ ವಿದ್ಯಾರ್ಥಿಗಳಿಗೆ ಕೇರಳ ಸರ್ಕಾರ ಸಿಹಿ ಸುದ್ದಿ ನೀಡಲು ಹೊರಟಿದೆ.

“ಬ್ಯಾಗ್‌ ಫ್ರೀ ಡೇಸ್‌’ ಅಭಿಯಾನದ ಮೂಲಕ ತಿಂಗಳಿಗೆ ಕನಿಷ್ಠ 4 ದಿನ ಬ್ಯಾಗ್‌ ರಹಿತ ತರಗತಿಗಳನ್ನು ನಡೆಸಲು ನಿರ್ಧರಿಸಿದೆ.

ಈ ಕುರಿತು ಮಾತನಾಡಿದ ಶಿಕ್ಷಣ ಸಚಿವ ವಿ. ಶಿವನ್‌ಕುಟ್ಟಿ , ಮಕ್ಕಳು ಹಾಗೂ ಪೋಷಕರ ಹಿತಾಸಕ್ತಿಯನ್ನು ಕಾಪಾಡುವ ಸಲುವಾಗಿ, ರಾಜ್ಯದ 1ರಿಂದ 12ನೇ ತರಗತಿಯವರೆಗಿನ ವಿದ್ಯಾರ್ಥಿಗಳಿಗಾಗಿ ಈ ಉಪಕ್ರಮ ಜಾರಿಗೊಳಿಸುವುದಾಗಿ ತಿಳಿಸಿದರು. ಕರ್ನಾಟಕ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಇದೇ ಮಾದರಿಯ ಬ್ಯಾಗ್‌ ರಹಿತ ದಿನ ಜಾರಿಯಲ್ಲಿರುವುದು ಗಮನಾರ್ಹ.