ಇಂಡೋನೇಶ್ಯ ಲೋಂಬೋಕ್‌ ದ್ವೀಪದಲ್ಲಿ ಮತ್ತೆ ಭೂಕಂಪ, 5.9 ಅಂಕಗಳ ತೀವ್ರತೆ

ಮಾತಾರಾಮ್‌ : ನಾಲ್ಕು ದಿನಗಳ ಹಿಂದಷ್ಟೇ ಅತ್ಯಂತ ವಿನಾಶಕಾರಿ ಭೂಕಂಪಕ್ಕೆ ತುತ್ತಾಗಿ 169 ಜೀವಗಳು ಬಲಿಯಾದ ರಜಾ ಪ್ರವಾಸದ ಲೋಂಬೋಕ್‌ ದ್ವೀಪದಲ್ಲಿ ಇಂದು ಬೆಳಗ್ಗೆ ಪುನಃ ಭೂಕಂಪ ಸಂಭವಿಸಿತು.

ರಿಕ್ಟರ್‌ ಮಾಪಕದಲ್ಲಿ 5.9 ಅಂಕಗಳ ತೀವ್ರತೆಯ ಹೊಸ ಭೂಕಂಪ ಇಂದು ಬೆಳಗ್ಗೆ ದಾಖಲಾಗಿದ್ದು ಇದರ ಕೇಂದ್ರ ಬಿಂದು ದ್ವೀಪದ ವಾಯವ್ಯ ಭಾಗದಲ್ಲಿ, ಕಡಿಮೆ ಆಳದಲ್ಲಿ, ಇದ್ದುದು ಕಂಡು ಬಂದಿರುವುದಾಗಿ ಅಮೆರಿಕದ ಭೂಗರ್ಭ ಸರ್ವೇಕ್ಷಣಾಲಯ ವರದಿ ಮಾಡಿದೆ.

ಈ ಹೊಸ ಭೂಕಂಪದಿಂದ ಜೀವ ಹಾನಿ, ನಾಶ ನಷ್ಟ ಆಗಿರುವ ಬಗ್ಗೆ ಇನ್ನೂ ವರದಿಗಳು ಬಂದಿಲ್ಲ. ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗಿದೆ.