ಮಂಗಳೂರು: ಟೈಮಿಂಗ್ಸ್ ವಿಚಾರ; ಮತ್ತೊಂದು ಬಸ್ ಗೆ ಕಲ್ಲು

ಮಂಗಳೂರು: ಟೈಮಿಂಗ್ಸ್ ವಿಚಾರದಲ್ಲಿ ಖಾಸಗಿ ಬಸ್ ನಿರ್ವಾಹಕರ ನಡುವಿನ ಸಂಘರ್ಷ ಮುಂದುವರೆದಿದ್ದು ನಗರದ ಕೊಟ್ಟಾರ ಚೌಕಿ ಬಳಿ ಖಾಸಗಿ ಎಕ್ಸ್ ಪ್ರೆಸ್ ಬಸ್ ಗೆ ಕಲ್ಲು ಹೊಡೆದು ಹಾನಿಗೊಳಿಸಿದ ಘಟನೆ ಸೋಮವಾರ ಸಂಭವಿಸಿದೆ.

ಇಬ್ಬರು ಬೈಕ್ ನಲ್ಲಿ ಬಂದು ಉಡುಪಿಯಿಂದ ಮಂಗಳೂರು ಕಡೆಗೆ ಬರುತ್ತಿದ್ದ ಬಸ್ ಗೆ ಕಲ್ಲು ಎಸೆದಿದ್ದಾರೆ. ಬಸ್ ನ ಗಾಜಿಗೆ ಹಾನಿಯಾಗಿದೆ.

ಕಳೆದ ಶನಿವಾರ ಇದೇ ಪರಿಸರದಲ್ಲಿ ಇಂತಹುದೇ ಘಟನೆ ಸಂಭವಿಸಿತ್ತು. ಬೈಕ್ ನಲ್ಲಿ ಬಂದಿದ್ದ ಇಬ್ಬರು ಸಿಟಿ ಬಸ್ ಗೆ ಕಲ್ಲು ಎಸೆದು ಪರಾರಿಯಾಗಿದ್ದರು.