Australia; ಗಾಯಾಳು ಸ್ಟೀವನ್‌ ಸ್ಮಿತ್‌, ಮಿಚೆಲ್‌ ಸ್ಟಾರ್ಕ್‌ ದ. ಆಫ್ರಿಕಾ ಪ್ರವಾಸಕ್ಕಿಲ್ಲ

ಸಿಡ್ನಿ: ಗಾಯಾಳಾಗಿರುವ ಸ್ಟೀವನ್‌ ಸ್ಮಿತ್‌ ಮತ್ತು ಮಿಚೆಲ್‌ ಸ್ಟಾರ್ಕ್‌ ಮುಂಬರುವ ದಕ್ಷಿಣ ಆಫ್ರಿಕಾ ಪ್ರವಾಸವನ್ನು ತಪ್ಪಿಸಿಕೊಳ್ಳಲಿದ್ದಾರೆ. ವಿಶ್ವಕಪ್‌ ಗೂ ಮೊದಲು ಭಾರತದ ವಿರುದ್ಧ ಆಡಲಾಗುವ ಏಕದಿನ ಸರಣಿಗೆ ತಂಡವನ್ನು ಕೂಡಿಕೊಳ್ಳುವ ನಿರೀಕ್ಷೆ ಇದೆ.

ನಾಯಕ ಪ್ಯಾಟ್‌ ಕಮಿನ್ಸ್‌ ಕೂಡ ಗಾಯಾಳಾಗಿರುವ ಕಾರಣ ಮಿಚೆಲ್‌ ಮಾರ್ಷ್‌ ಈಗಾಗಲೇ ಆಸ್ಟ್ರೇಲಿಯ ತಂಡದ ಉಸ್ತುವಾರಿ ನಾಯಕರಾಗಿ ನೇಮಕಗೊಂಡಿದ್ದಾರೆ.

ಸ್ಟೀವನ್‌ ಸ್ಮಿತ್‌ ಗೈರಿನಿಂದಾಗಿ ಮಾರ್ನಸ್‌ ಲಬುಶೇನ್‌ ಮರಳಿ ತಂಡವನ್ನು ಕೂಡಿಕೊಳ್ಳುವ ಸಾಧ್ಯತೆ ಇದೆ. ವಿಶ್ವಕಪ್‌ ಸಂಭಾವ್ಯ ಆಟಗಾರರ ಯಾದಿಯಿಂದ ಲಬುಶೇನ್‌ ಅವರನ್ನು ಕೈಬಿಡಲಾಗಿತ್ತು. ಟಿ20 ತಂಡಕ್ಕೆ ಸ್ಮಿತ್‌ ಬದಲು ಆ್ಯಶrನ್‌ ಟರ್ನರ್‌ ಬರಬಹುದು. ಮಿಚೆಲ್‌ ಸ್ಟಾರ್ಕ್‌ ಸ್ಥಾನಕ್ಕೆ ಎಡಗೈ ವೇಗಿ ಸ್ಪೆನ್ಸರ್‌ ಜಾನ್ಸನ್‌ ಕರೆ ಪಡೆಯಬಹುದು. ಜಾನ್ಸನ್‌ ಈಗಾಗಲೇ ಆಸೀಸ್‌ ಟಿ20 ತಂಡದಲ್ಲಿದ್ದಾರೆ.

ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿ ಆ. 30ರಿಂದ ಸೆ. 3ರ ಅವಧಿಯಲ್ಲಿ ಹಾಗೂ ಏಕದಿನ ಸರಣಿ ಸೆ. 7ರಿಂದ 17ರ ಅವಧಿಯಲ್ಲಿ ನಡೆಯಲಿದೆ.