ಶ್ರೀನಗರ : ಕಳೆದ ಕೆಲ ಸಮಯದಿಂದ ತಲೆ ಮರೆಸಿಕೊಂಡಿದ್ದ ಮತ್ತು ತನ್ನ ತಲೆಗೆ 2 ಲಕ್ಷ ರೂ. ಇನಾಮು ಹೊಂದಿದ್ದ ಜೈಶ್‌ ಎ ಮೊಹಮ್ಮದ್‌ ಉಗ್ರ ಸಂಘಟನೆಯ ಭಯೋತ್ಪಾದಕ ಅಬ್ದಲ್‌ ಮಜೀದ್‌ ಬಾಬಾ ನನ್ನು ಜಮ್ಮು ಕಾಶ್ಮೀರದ ಶ್ರೀನಗರದಲ್ಲಿ ಬಂಧಿಸಲಾಗಿದ್ದು ಆತನನ್ನು ಶ್ರೀಗನರದ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟರರ ಮುಂದೆ ಹಾಜರುಪಡಿಸಲಾಗುವುದು.
ಅನಂತರ ಆತನನ್ನು ಟ್ರಾನ್ಸಿಟ್‌ ರಿಮಾಂಡ್‌ ಮೇಲೆ ರಾಷ್ಟ್ರ ರಾಜಧಾನಿ ದಿಲ್ಲಿಗೆ ತರಲಾಗುವುದು ಎಂದು ದಿಲ್ಲಿ ಪೊಲೀಸರು ತಿಳಿಸಿದ್ದಾರೆ.
ದೀರ್ಘಾವಧಿಯಿಂದ ಹೊಂಚು ದಾಳಿ ನಡೆಸಿಕೊಂಡಿದ್ದ ಖತರ್‌ನಾಕ್‌ ಉಗ್ರ ಬಾಬಾ ನನ್ನು ಕಳೆದ ಮೇ 11ರಂದು ಬಂಧಿಸಲಾಗಿತ್ತು.
ಬಾರಾಮುಲ್ಲಾ ಜಿಲ್ಲೆಯ ಸೋಪೋರ್‌ ಪಟ್ಟಣಕ್ಕೆ ಸಮೀಪದ ಮಾಗ್ರೇಪೋರಾ ಗ್ರಾಮದ ನಿವಾಸಿಯಾಗಿರುವ ಭಯೋತ್ಪಾದಕ ಬಾಬಾ ನನ್ನು
ಸೌತ್‌ ವೆಸ್ಟರ್ನ್ ರೇಂಜ್‌ ನ ವಿಶೇಷ ಪೊಲೀಸ್‌ ದಳ ಕಣ್ಣಲ್ಲಿ ಕಣ್ಣಿಟ್ಟು ಶೋಧಿಸುತ್ತಿತ್ತು. ದಿಲ್ಲಿ ಹೈಕೋರ್ಟ್‌ ಆತನಿಗಾಗಿ ಜಾಮೀನು ರಹಿತ ಬಂಧನದ ವಾರೆಂಟ್‌ ಜಾರಿ ಮಾಡಿತ್ತು.
