ಶ್ರೀಲಂಕಾದ ಮೊದಲ ಟೆಸ್ಟ್ ನಾಯಕ ಬಂದುಲಾ ವರ್ಣಾಪುರ ನಿಧನ

ಕೊಲಂಬೋ: ಶ್ರೀಲಂಕಾ ಟೆಸ್ಟ್ ತಂಡದ ಮೊತ್ತಮೊದಲ ನಾಯಕ ಬಂದುಲಾ ವರ್ಣಾಪುರ ಇಂದು ನಿಧನರಾಗಿದ್ದಾರೆ. ಅಲ್ಪಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದ ಬಂದುಲಾ ವರ್ಣಾಪುರ ಇಂದು ಇಹಲೋಕ ತ್ಯಜಿಸಿದ್ದಾರೆ. ಅವರಿಗೆ 68 ವರ್ಷ ವಯಸ್ಸಾಗಿತ್ತು.

ಬಲಗೈ ಬ್ಯಾಟ್ಸಮನ್ ಆಗಿದ್ದ ಬಂದುಲಾ ವರ್ಣಾಪುರ 1982ರ ಫೆಬ್ರವರಿಯಲ್ಲಿ ನಡೆದಿದ್ದ ಮೊದಲ ಟೆಸ್ಟ್ ಪಂದ್ಯದಲ್ಲಿ ನಾಯಕನಾಗಿದ್ದರು. ಈ ಪಂದ್ಯದಲ್ಲಿ ಶ್ರೀಲಂಕಾ ತಂಡವು ಇಂಗ್ಲೆಂಡ್ ತಂಡವನ್ನು ಎದುರಿಸಿತ್ತು.

ಇದನ್ನೂ ಓದಿ:ಯುವರಾಜ್ ಸಿಂಗ್ ಬಂಧನಕ್ಕೆ ಕಾರಣವಾಯ್ತು ಯುಜಿ ಚಾಹಲ್ ಟಿಕ್ ಟಾಕ್ ವಿಡಿಯೋ!

ಮೊದಲ ನಾಯಕನಾಗಿದ್ದರೂ ಬಂದುಲಾ ವರ್ಣಾಪುರ ಆಡಿದ್ದು ಕೇವಲ ನಾಲ್ಕು ಟೆಸ್ಟ್ ಮಾತ್ರ. 12ರ ಸರಾಸರಿಯಲ್ಲಿ 96 ರನ್ ಮಾತ್ರ ಬಂದುಲಾ ಕಲೆಹಾಕಿದ್ದರು. ಅದೇ ವರ್ಷ ಚೆನ್ನೈ ನಲ್ಲಿ ಭಾರತದ ವಿರುದ್ಧ ಅವರು ಕೊನೆಯ ಪಂದ್ಯವಾಡಿದ್ದರು.