ಗ್ಯಾಲರಿ ಸ್ವಚ್ಚಗೊಳಿಸಿದ ಲಂಕಾ ಕ್ರಿಕೆಟ್‌ ಅಭಿಮಾನಿಗಳು

ಪಲ್ಲೆಕಿಲೆ: ದಕ್ಷಿಣ ಆಫ್ರಿಕಾ ವಿರುದ್ಧ 3ನೇ ಏಕದಿನದಲ್ಲಿ ಆತಿಥೇಯ ಶ್ರೀಲಂಕಾ ಸೋತು ಸರಣಿ ಕಳೆದುಕೊಂಡದ್ದು ಹಳೆಯ ವಿಷಯ. ಆದರೆ ಈ ಸೋಲಿನ ನೋವಿನ ನಡುವೆಯೂ ಶ್ರೀಲಂಕಾ ಅಭಿಮಾನಿಗಳು ಎಲ್ಲರೂ ಮೆಚ್ಚುವ ಕಾರ್ಯವೊಂದನ್ನು ಮಾಡಿದ್ದಾರೆ. ಪಂದ್ಯದ ಅನಂತರ ಪ್ರೇಕ್ಷಕರ ಗ್ಯಾಲರಿಯನ್ನು ಸ್ವಚ್ಚ ಮಾಡಿದ್ದಾರೆ.

ಈ ವೀಡಿಯೋವನ್ನು ಶ್ರೀಲಂಕಾ ಕ್ರಿಕೆಟ್‌ ಮಂಡಳಿ ಪ್ರಕಟಿಸಿದೆ. ಈ ವರ್ಷದ ಕ್ರೀಡಾಕೂಟದಲ್ಲಿ ಇಂಥ ಘಟನೆ ನಡೆದದ್ದು ಇದೇ ಮೊದಲಲ್ಲ. ಫಿಫಾ ವಿಶ್ವಕಪ್‌ ಸಂದರ್ಭದಲ್ಲಿ ಜಪಾನ್‌ ತಂಡ 16ರ ಸುತ್ತಿನಲ್ಲೇ ಹೊರಬಿದ್ದಾಗ ಜಪಾನ್‌ ಅಭಿಮಾನಿಗಳೂ ಗ್ಯಾಲರಿಯನ್ನು ಸ್ವಚ್ಚ ಮಾಡಿದ್ದರು.