ತಮಿಳು ನಾಡಿನ 60 ಬೆಸ್ತರ ಬಿಡುಗಡೆಗೆ ಲಂಕಾ ಕೋರ್ಟ್‌ ಆದೇಶ

ರಾಮೇಶ್ವರಂ, ತಮಿಳು ನಾಡು : ಜಾಫ್ನಾ ಮತ್ತು ವಾವುನಿಯಾದಲ್ಲಿನ ಲಂಕೆಯ ನ್ಯಾಯಾಲಯ ಅಲ್ಲಿನ ಜೈಲುಗಳಲ್ಲಿರುವ ತಮಿಳುನಾಡಿನ ಸುಮಾರು 60 ಬೆಸ್ತರ ಬಿಡುಗಡೆಗೆ ಆದೇಶ ಹೊರಡಿಸಿದೆ.

ವಿವಿಧ ಸಂದರ್ಭಗಳಲ್ಲಿ ಲಂಕೆಯ ಅಂತಾರಾಷ್ಟ್ರೀಯ ಸಾಗರಿಕ ಗಡಿಯನ್ನು ದಾಟಿ ಅಕ್ರಮವಾಗಿ ಒಳಪ್ರವೇಶಿಸಿದ ಆರೋಪದ ಮೇಲೆ ಲಂಕೆಯ ನೌಕಾ ಪಡೆಯು ಈ ಬೆಸ್ತರನ್ನು ಬಂಧಿಸಿತ್ತು. 

ಇವರ ಬಿಡುಗಡೆಯ ಆದೇಶವನ್ನು ಅನುಸರಿಸಿ ಅಗತ್ಯ ಪ್ರಕ್ರಿಯೆಗಳನ್ನು ಪೂರೈಸಿದ ಬಳಿಕ ಬಂಧಮುಕ್ತ ಬೆಸ್ತರನ್ನು ಮರಳಿ ದೇಶಕ್ಕೆ ಕರೆತರಲಾಗುವುದು ಎಂದು ಮೀನುಗಾರಿಕೆ ಇಲಾಖೆಯ ಸಹಾಯಕ ನಿರ್ದೇಶಕ ಮಣಿಕಂಠನ್‌ ತಿಳಿಸಿದ್ದಾರೆ.