ಐರ್ಲೆಂಡ್ ವಿರುದ್ಧ ಸುಲಭ ಜಯ: ಸೂಪರ್ 12 ಹಂತಕ್ಕೆ ತೇರ್ಗಡೆಯಾದ ಲಂಕಾ

ಅಬುಧಾಬಿ: ವಾನಿಂದು ಹಸರಂಗರ ಆಲ್ ರೌಂಡ್ ಆಟದ ನೆರವಿನಿಂದ ಶ್ರೀಲಂಕಾ ತಂಡವು ಐರ್ಲೆಂಡ್ ವಿರುದ್ಧ ಸುಲಭ ಜಯ ಸಾಧಿಸಿದೆ. ಇದರೊಂದಿಗೆ ದ್ವೀಪ ರಾಷ್ಟ್ರವು ಸೂಪರ್ 12 ಹಂತಕ್ಕೆ ಪ್ರವೇಶ ಪಡೆದಿದೆ.

ಮೊದಲು ಬ್ಯಾಟ್ ಮಾಡಿದ ಲಂಕಾ ಆರಂಭಿಕ ಕುಸಿತ ಕಂಡಿತು. ತಂಡದ ಮೊತ್ತ 8 ರನ್ ಆಗಿದ್ದಾಗ ಮೂರು ವಿಕೆಟ್ ಕಳೆದುಕೊಂಡಿತ್ತು. ನಂತರ ನಿಸಾಂಕ ಜೊತೆಗೂಡಿದ ಹಸರಂಗ ನಾಲ್ಕನೇ ವಿಕೆಟ್ ಗೆ 123 ರನ್ ಜೊತೆಯಾಟವಾಡಿದರು. ಹಸರಂಗ 71 ರನ್ ಗಳಿಸಿದರೆ, ನಿಸಾಂಕ 61 ರನ್ ಗಳಿಸಿದರು. 20 ಓವರ್ ಅಂತ್ಯಕ್ಕೆ ಲಂಕಾ ಏಳು ವಿಕೆಟ್ ನಷ್ಟಕ್ಕೆ 171 ರನ್ ಕಲೆ ಹಾಕಿತು.

ಇದನ್ನೂ ಓದಿ:ಆಸೀಸ್‌ ಮಾಜಿ ಕ್ರಿಕೆಟಿಗ ಮೈಕಲ್‌ ಸ್ಲೇಟರ್‌ ಬಂಧನ

ಗುರಿ ಬೆನ್ನತ್ತಿದ ಐರ್ಲೆಂಡ್ ಸತತ ವಿಕೆಟ್ ಕಳೆದುಕೊಂಡಿತು. ನಾಯಕ ಬಲ್ ಬ್ರಿನ್ 41 ರನ್ ಗಳಿಸಿದರೆ, ಕರ್ಟಿನ್ ಕ್ಯಾಂಫರ್ 24 ರನ್ ಗಳಿಸಿದರು. 18.3 ಓವರ್ ನಲ್ಲಿ 101 ರನ್ ಗೆ ಆಲ್ ಔಟಾಯಿತು. ಲಂಕಾ ಪರ ಮಹೀಶ್ ತೀಕ್ಷಣ ಮೂರು ವಿಕೆಟ್ ಪಡೆದರೆ, ಕರುಣರತ್ನೆ, ಲಹಿರು ಕುಮಾರ ತಲಾ ಎರಡು ವಿಕೆಟ್ ಕಿತ್ತರು