Mundargi: ಲಾರಿ ಹರಿದು 12 ಕುರಿಗಳು ಸಾವು; 30 ಕುರಿಗಳು ಗಂಭೀರ ಗಾಯ

ಮುಂಡರಗಿ: ಲಾರಿ ಹರಿದು 12 ಕುರಿಗಳು ಸಾವನ್ನಪ್ಪಿರುವ ದುರ್ಘಟನೆ ಗದಗ ಜಿಲ್ಲೆಯ ಮುಂಡರಗಿ ತಾಲೂಕಿನ ಬೆಣ್ಣಿಹಳ್ಳಿಯ ಸಮೀಪ ರಸ್ತೆಯಲ್ಲಿ ನ.25ರ ಸೋಮವಾರ ತಡರಾತ್ರಿ ಸಂಭವಿಸಿದೆ.

ಕೋರ್ಲಹಳ್ಳಿ ಕಡೆಯಿಂದ ಮುಂಡರಗಿ ಕಡೆಗೆ ಬರುತ್ತಿದ್ದ ಲಾರಿ ಎದುರಿನಿಂದ  ಬಂದ ಇನ್ನೊಂದು ಲಾರಿಯ ಮಧ್ಯೆ ಅಪಘಾತ ಸಂಭವಿಸಿದೆ.

30 ರಷ್ಟು ಕುರಿಗಳು ಗಂಭೀರವಾಗಿ ಗಾಯಗೊಂಡಿವೆ. ಪಶು ವ್ಯೆದ್ಯರು ಚಿಕಿತ್ಸೆ ನೀಡುತ್ತಿದ್ದಾರೆ.

ತಾಲೂಕಿನ ಕಕ್ಕೂರು ಗ್ರಾಮದ ರಾಮಣ್ಣ ದಳವಾಯಿ ಮತ್ತು ಪಾಂಡಪ್ಪ ಮುರುಡಿ ಎನಗನುವ ಎಂಬ ಕುರಿಗಾರರಿಗೆ ಸೇರಿದ ಕುರಿಗಳು ಇದಾಗಿವೆ. ಕುರಿಗಳ ಸಾವಿನಿಂದ ಅಂದಾಜು 3 ಲಕ್ಷ ನಷ್ಠ ಉಂಟಾಗಿದೆ.

ಘಟನೆ ನಡೆದ ಸ್ಥಳದಲ್ಲಿ ಪೊಲೀಸರು ಹಾಗೂ ಪಶುವೈದ್ಯರು ಪರಿಶೀಲನೆ ನಡೆಸುತ್ತಿದ್ದಾರೆ. ಲಾರಿ ಚಾಲಕನನ್ನು ವಶಕ್ಕೆ ಪಡೆದು ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.