ದಾಲ್ಮಿಯಾ ಗೌರವಾರ್ಥ ಪುಸ್ತಕ ಬಿಡುಗಡೆ

ಕೊಲಂಬೊ: ಶ್ರೀಲಂಕಾದ 70ನೇ ವರ್ಷದ ಸ್ವಾತಂತ್ರ್ಯ ದಿನಾಚರಣೆ ಪ್ರಯುಕ್ತ ಬಿಸಿಸಿಐ ಮಾಜಿ ಅಧ್ಯಕ್ಷ  ಜಗಮೋಹನ್‌ ದಾಲ್ಮಿಯಾ ಅವರ ಸಂಸ್ಮರಣೆ ಕಾರ್ಯಕ್ರಮವೊಂದನ್ನು ಶ್ರೀಲಂಕಾ ಕ್ರಿಕೆಟ್‌ ಮಂಡಳಿ (ಎಸ್‌ಎಲ್‌ಸಿ) ನಡೆಸಿದೆ. ಈ ವೇಳೆ ದಾಲ್ಮಿಯಾ ಅವರ ಗೌರವಾರ್ಥವಾಗಿ “ಎ ಟ್ರಿಬ್ಯೂಟ್‌ ಟು ಜಗು’ ಎನ್ನುವ ಪುಸ್ತಕವನ್ನು ಬಿಡುಗಡೆ ಮಾಡಿತು. 

ಇದೇ ವೇಳೆ ಲಂಕಾ ಕ್ರಿಕೆಟ್‌ ಮಂಡಳಿ ದಾಲ್ಮಿಯಾ ಆಡಳಿತ ವೈಖರಿಯನ್ನು ಮನಸಾರೆ ಸ್ಮರಿಸಿತು. ಕ್ರಿಕೆಟ್‌ಗೆ ಅವರ ಕೊಡುಗೆ ಅನನ್ಯ ಎಂದು ಗುಣಗಾನ ಮಾಡಿತು.