ಶ್ರೀಕೃಷ್ಣಮಠ: ತೈಲಾಭ್ಯಂಗಪೂರ್ವ ಜಲಪೂರಣ

ಉಡುಪಿ: ಶ್ರೀಕೃಷ್ಣ ಮಠದಲ್ಲಿ ದೀಪಾವಳಿ ಪ್ರಯುಕ್ತ ಬುಧವಾರ ರಾತ್ರಿ ಜಲ ಪೂರಣವನ್ನು ಪರ್ಯಾಯ ಅದಮಾರು ಮಠದ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದರ ಉಪಸ್ಥಿತಿಯಲ್ಲಿ ವೈದಿಕರು ನಡೆಸಿದರು.

ಗುರುವಾರ ಬೆಳಗ್ಗೆ ತೈಲಾಭ್ಯಂಜನ ನಡೆಸುವ ಹಿನ್ನೆಲೆಯಲ್ಲಿ ಜಲಪೂರಣ ನಡೆಸಲಾಯಿತು.

ಗುರುವಾರ ಸಂಜೆ ಬಲೀಂದ್ರಪೂಜೆ ನಡೆಯುತ್ತದೆ. ಮೂಲ್ಕಿ ಶಾಂಭವಿ ನದಿ ಉತ್ತರದಲ್ಲಿ ಗುರುವಾರ ಸಂಜೆ ಮತ್ತು ದಕ್ಷಿಣದಲ್ಲಿ ಶುಕ್ರವಾರ ಸಂಜೆ ಗದ್ದೆಗೆ ದೀಪ ಇರಿಸಿ ಬಲೀಂದ್ರನನ್ನು ಕರೆಯುವುದು ವಾಡಿಕೆ. ಶುಕ್ರವಾರ ಬೆಳಗ್ಗೆ ಗೋಪೂಜೆ ನಡೆಯಲಿದೆ.