Squash event: ಭಾರತದ ಅನಾಹತ್‌,ಮಲೇಷ್ಯಾದ ಚಂದರನ್‌ ಚಾಂಪಿಯನ್‌

ಮುಂಬಯಿ: ಇಲ್ಲಿ ನಡೆದ ವೃತ್ತಿಪರ ಸ್ಕ್ವಾಷ್‌ ಸಂಸ್ಥೆಯ (ಪಿಎಸ್‌ಎ) ಚಾಲೆಂಜರ್‌ ಪಂದ್ಯಾವಳಿಯ ಮಹಿಳಾ ವಿಭಾಗದಲ್ಲಿ ಭಾರತದ ಅನಾಹತ್‌ ಸಿಂಗ್‌ ಮತ್ತು ಪುರುಷರ ವಿಭಾಗದಲ್ಲಿ ಮಲೇಷ್ಯಾದ ಅಮೀಶೆನ್ರಾಜ್‌ ಚಂದರನ್‌ ಚಾಂಪಿಯನ್‌ಗಳಾಗಿ ಹೊರಹೊಮ್ಮಿದರು.

ರವಿವಾರ ನಡೆದ ಮಹಿಳಾ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಅನಾಹತ್‌ ಸಿಂಗ್‌ ಅವರು ಭಾರತದವರೇ ಆದ ಆಕಾಂಕ್ಷಾ ಸಾಲುಂಕೆ ವಿರುದ್ಧ 11-8, 11-8 ಅಂತರದಿಂದ ಗೆದ್ದರು. ಇಬ್ಬರ ಮಧ್ಯೆ 25 ನಿಮಿಷಗಳ ಹೋರಾಟ ನಡೆಯಿತು.

ಪುರುಷರ ವಿಭಾಗದ ರೋಚಕ ಫೈನಲ್‌ನಲ್ಲಿ ಅಮೀಶೆನ್ರಾಜ್‌ ಚಂದರನ್‌, ಜೆಕ್‌ ಗಣರಾಜ್ಯದ ವಿಕ್ಟರ್‌ ಬೈರ್ಟಸ್‌ ವಿರುದ್ಧ 3-1 (15-13, 6-11, 11-15, 11-3) ಅಂತರದಿಂದ ಜಯ ಗಳಿಸಿದರು. ಈ ಮ್ಯಾರಥಾನ್‌ ಸೆಣಸಾಟ 60 ನಿಮಿಷಗಳ ಕಾಲ ಸಾಗಿತು.