ಸಾಧು ವಾಸ್ವಾನಿ ಮಿಶನ್‌ನ ಮುಖ್ಯಸ್ಥ ದಾದಾ ವಾಸ್ವಾನಿ ವಿಧಿವಶ

ಪುಣೆ : ಸಾಧು ವಾಸ್ವಾನಿ ಮಿಶನ್‌ನ ಮುಖ್ಯಸ್ಥ ಹಾಗೂ ಪ್ರಖ್ಯಾತ ಆಧ್ಯಾತ್ಮಿಕ ನಾಯಕ ದಾದಾ ಪಿ ವಾಸ್ವಾನಿ ಅವರು ಇಂದು ತಮ್ಮ 99ರ ಹರೆಯದಲ್ಲಿ, ವಾರ್ಧಕ್ಯದ ಕಾರಣ, ನಿಧನಹೊಂದಿದರು. 

ಕೆಲ ದಿನಗಳ ಹಿಂದೆ ನಗರದ ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು ಮತ್ತು ನಿನ್ನೆ ರಾತ್ರಿಯಷ್ಟೇ  ಬಿಡುಗಡೆ ಮಾಡಲಾಗಿತ್ತು. ಇಂದು ಬೆಳಗ್ಗೆ ಅವರು ತಮ್ಮ ಮಿಶನ್‌ ಕೇಂದ್ರದಲ್ಲಿ ನಿಧನ ಹೊಂದಿದರು. ಮುಂದಿನ ತಿಂಗಳ ಶತಾಯುಷಿ ಆಗಲಿದ್ದ ವಾಸ್ವಾನಿ ಅವರ 100ನೇ ಹುಟ್ಟು ಹಬ್ಬವನ್ನು ಸಂಭ್ರಮ, ಸಡಗರದಿಂದ ಆಚರಿಸಲು ಮಿಶನ್‌ ಉದ್ದೇಶಿಸಿತ್ತು. 

ವಾಸ್ವಾನಿ ಅವರು ಹುಟ್ಟಿದ್ದು ಪಾಕಿಸ್ಥಾನದ ಹೈದರಾಬಾದ್‌ ನಗರದಲ್ಲಿ; ಸಿಂಧಿ ಕುಟುಂಬದಲ್ಲಿ; 1918ರ ಆಗಸ್ಟ್‌ 2ರಂದು. ದಾದಾ ವಾಸ್ವಾನಿ ಎಂದೇ ಅವರು ಪ್ರಖ್ಯಾತರಾಗಿದ್ದರು.