ಸೀಪ್ಲೇನ್ ಸಂಚಾರಕ್ಕೆ ಉತ್ತಮ ಸ್ಪಂದನೆ : ಉದ್ಘಾಟನೆಗೊಂಡ ಬೆನ್ನಲ್ಲೇ 3000 ಬುಕಿಂಗ್‌!

ಅಹಮದಾಬಾದ್‌: ದೇಶದ ಮೊದಲ ಸೀ-ಪ್ಲೇನ್‌ ಸೇವೆಯನ್ನು ಗುಜರಾತ್‌ನಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಉದ್ಘಾಟಿಸಿದ ಬೆನ್ನಲ್ಲೇ ಸುಮಾರು 3 ಸಾವಿರದಷ್ಟು ಬುಕಿಂಗ್‌ ಆಗಿವೆ ಎಂದು ಸ್ಪೈಸ್‌ಜೆಟ್‌ ಭಾನುವಾರ ತಿಳಿಸಿದೆ.

ಅಹಮದಾಬಾದ್‌ನಲ್ಲಿನ ಸಾಬರಮತಿ ನದಿ ಹಾಗೂ ನರ್ಮದಾ ಜಿಲ್ಲೆಯಲ್ಲಿರುವ ಪಟೇಲರ ಏಕತಾ ಪ್ರತಿಮೆಯವರೆಗೂ ಸಮುದ್ರ ವಿಮಾನ ಸಂಚಾರ ಆರಂಭವಾಗಿದೆ. ಪ್ರಧಾನಿ ಮೋದಿ ಚಾಲನೆ ನೀಡಿದ ನಂತರ ಇದರಲ್ಲಿ ಸಂಚರಿಸಲು ಅನೇಕರು ಉತ್ಸುಕರಾಗಿದ್ದಾರೆ.

ಈಗಾಗಲೇ 3 ಸಾವಿರದಷ್ಟು ಬುಕಿಂಗ್‌ ಆಗಿವೆ. ಇನ್ನೂ ಅನೇಕ ಕೋರಿಕೆಗಳು ಬರುತ್ತಿದ್ದು, ನಿಭಾಯಿಸುವುದೇ ಸವಾಲಾಗಿದೆ ಎಂದು ಸ್ಪೈಸ್‌ ಜೆಟ್‌ ಮುಖ್ಯಸ್ಥ ಅಜಯ್‌ ಸಿಂಗ್‌ ಹೇಳಿದ್ದಾರೆ. ಅಹಮದಾಬಾದ್‌ನಿಂದಷ್ಟೇ ಅಲ್ಲದೇ, ಏಕತಾ ಪ್ರತಿಮೆಯತ್ತ ವಿವಿಧ ನಗರಗಳಿಂದಲೂ ಸೀಪ್ಲೇನ್‌ ಸಂಚಾರ ಆರಂಭಿಸುವ ಉದ್ದೇಶ ತಮಗಿದೆ ಎಂದೂ ಅವರು ತಿಳಿಸಿದ್ದಾರೆ.

ಇದನ್ನೂ ಓದಿ ; ಕೋವಿಡ್ ಸೋಂಕಿನಿಂದ ಹೃದಯಕ್ಕೆ ಹಾನಿ! ಅಧ್ಯಯನ ವರದಿಗಳು ಸಾರುತ್ತಿವೆ ಅಪಾಯ