ಶಶಿಕಲಾಗೆ ವಿಶೇಷ ಸವಲತ್ತಿಗೆ ಸೂಚಿಸಿಲ್ಲ

ಬೆಂಗಳೂರು: ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಜಯಲಲಿತಾ ಅವರ ಸ್ನೇಹಿತೆ ಶಶಿಕಲಾಗೆ ಜೈಲಿನಲ್ಲಿ ವಿಶೇಷ ಸವಲತ್ತು ನೀಡುವಂತೆ ಪೊಲಿಸ್‌ ಅಧಿಕಾರಿಗಳಿಗೆ ಶಿಫಾರಸು ಮಾಡಿಲ್ಲ. ಜೈಲಿನ ನಿಯಮದಂತೆ ಸವಲತ್ತು ನೀಡುವಂತೆ ಸೂಚಿಸಿದ್ದೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ತಿಳಿಸಿದ್ದಾರೆ.

ಶಶಿಕಲಾ ಶಿಕ್ಷೆಗೆ ಗುರಿಯಾದ ಮೇಲೆ ತಮಿಳುನಾಡಿನ ನಿಯೋಗ ಬಂದು ಅಗತ್ಯ ಸವಲತ್ತು ನೀಡುವಂತೆ ಮನವಿ ಮಾಡಿತ್ತು. ಹೀಗಾಗಿ,ನಾನೇ ಪರಪ್ಪನ ಅಗ್ರಹಾರದ ಡಿಜಿಪಿ ಸತ್ಯನಾರಾಯಣ್ ರಾವ್‌ ಅವರಿಗೆ ದೂರವಾಣಿ ಮೂಲಕ ಕರೆ ಮಾಡಿ ಜೈಲಿನ ನಿಯಮದ ಪ್ರಕಾರ ಅಗತ್ಯ ಸವಲತ್ತು ನೀಡುವಂತೆ ಸೂಚಿಸಿದ್ದೆ. ಯಾವುದೇ ಹೈ ಫೈ ಸೌಲಭ್ಯ ಕಲ್ಪಿಸುವಂತೆ ನಾನು ಹೇಳಿಲ್ಲ ಎಂದು ಸ್ಪಷ್ಟಪಡಿಸಿದರು.