600ನೇ ಗಗನಯಾತ್ರಿಯ ಹೊತ್ತ ಸ್ಪೇಸ್‌ಎಕ್ಸ್‌ ರಾಕೆಟ್‌ ನಭಕ್ಕೆ

ಕೇಪ್‌ ಕೆನವೆರಲ್‌ : ನಾಲ್ವರು ಗಗನಯಾತ್ರಿಗಳನ್ನು ಹೊತ್ತ ಸ್ಪೇಸ್‌ ಎಕ್ಸ್‌ ರಾಕೆಟ್‌ ಬುಧವಾರ ನಭಕ್ಕೆ ಚಿಮ್ಮಿದ್ದು, 60 ವರ್ಷಗಳ ಬಾಹ್ಯಾಕಾಶ ಇತಿಹಾಸದಲ್ಲಿ 600ನೇ ವ್ಯಕ್ತಿಯನ್ನು ಕೂಡ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರಕ್ಕೆ ಕಳುಹಿಸಿದಂತಾಗಿದೆ.

ಅಂತಾರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರದಿಂದ ನಾಲ್ವರು ಗಗನಯಾತ್ರಿಗಳನ್ನು ಭೂಮಿಗೆ ಕರೆತಂದ ಎರಡೇ ದಿನಗಳಲ್ಲಿ ಸ್ಪೇಸ್‌ ಎಕ್ಸ್‌ ರಾಕೆಟ್‌ ಉಡಾವಣೆಯಾಗಿದೆ. ನಾಸಾದ ಪ್ರಕಾರ, ಜರ್ಮನಿಯ ಗಗನಯಾತ್ರಿ ಮಥಿಯಾಸ್‌ ಮಾರೆರ್‌ ಅವರು ಬಾಹ್ಯಾಕಾಶ ಪಯಣ ಕೈಗೊಂಡ 600ನೇ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

1961ರಲ್ಲಿ ಯೂರಿ ಗಗಾರಿನ್‌ ಅವರ ಚೊಚ್ಚಲ ಬಾಹ್ಯಾಕಾಶ ಪಯಣದ ಬಳಿಕ ಪ್ರತಿ ವರ್ಷಕ್ಕೆ ಸರಾಸರಿ 10 ಮಂದಿ ಗಗನಯಾನ ನಡೆಸಿದ್ದಾರೆ. ಇತ್ತೀಚೆಗೆ ವಾಣಿಜ್ಯಿಕ ಬಾಹ್ಯಾಕಾಶಯಾನವು ಆರಂಭವಾಗಿರುವ ಕಾರಣ ಇನ್ನು ಮುಂದೆ ಈ ಸಂಖ್ಯೆಯಲ್ಲಿ ಗಣನೀಯ ಏರಿಕೆಯಾಗಲಿದೆ ಎಂದು ಮಾರೆರ್‌ ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ : ಅಪ್ಪನ ಹುಚ್ಚಾಟ : ಪುಟ್ಟ ಮಗಳಿಗೆ ಬೀಡಿ ಸೇದಿಸಿ ಮೂಗಿನಲ್ಲಿ ಹೊಗೆ ಬಿಡಲು ಹೇಳಿದ ಧೂರ್ತ