ಒಂದು ಸಾವಿರ ಶ್ವಾನಗಳನ್ನು ನರಳಿಸಿ ಕೊಂದ!

ಸಿಯೋಲ್‌: ಹಣದ ಆಸೆಗಾಗಿ ದಕ್ಷಿಣ ಕೊರಿಯಾದ ವ್ಯಕ್ತಿಯೊಬ್ಬ 1 ಸಾವಿರ ಶ್ವಾನಗಳನ್ನು ಹಸಿವಿನಿಂದಲೇ ನರಳಿಸಿ ಕೊಂದಿರುವ ಪೈಶಾಚಿಕ ಘಟನೆ ವರದಿಯಾಗಿದೆ.

ಜಿಯೊಂಗಿ ಪ್ರಾಂತ್ಯದ ಯಾಂಗ್‌ ಪಿಯೊಂಗ್‌ನ ನಿವಾಸಿಯಾಗಿರುವ 60 ವರ್ಷದ ವ್ಯಕ್ತಿ ಕೃತ್ಯ ಎಸಗಿದ್ದಾನೆ. 2020ರಿಂದಲೂ ಈ ರೀತಿ ಶ್ವಾನಗಳನ್ನು ನರಳಿಸಿ ಕೊಲ್ಲುವುದೇ ಆತನ ಕಾಯಕವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಆಕರ್ಷಕವಲ್ಲದ, ಮಾರಾಟಕ್ಕೆ ಯೋಗ್ಯವಲ್ಲದ ಶ್ವಾನಗಳನ್ನು ಈ ವ್ಯಕ್ತಿಗೆ ನೀಡಲಾಗುತ್ತಿತ್ತು. ಪ್ರತಿ ಶ್ವಾನವನ್ನು ಕೊಲ್ಲಲು 620 ರೂ.ನೀಡಲಾಗುತ್ತಿತ್ತು. ಶ್ವಾನ ಕಳುವಾದ ಪ್ರಕರಣ ತನಿಖೆ ವೇಳೆ ಈ ಕೃತ್ಯ ಬಯಲಾಗಿದೆ. ಸಾವಿರಾರು ಶ್ವಾನಗಳ ಕೊಳೆತ ದೇಹ, ಮೂಳೆಗಳು ಪತ್ತೆಯಾಗಿವೆ ಎಂದು ಪೊಲೀಸರು ಹೇಳಿದ್ದಾರೆ.