Raichur: ಕುದುರೆಗೆ ಮೈ ತೊಳೆಸಲು ಹೋದ ಯುವಕ ಕೆರೆಪಾಲು

ರಾಯಚೂರು: ನಗರ ಸಮೀಪದ ಸಿದ್ರಾಂಪುರ ಕೆರೆಯಲ್ಲಿ ಕುದುರೆಯ ಮೈ ತೊಳೆಯಲು ಹೋದ ಯುವಕ ನೀರುಪಾಲಾದ ಘಟನೆ ನ.13ರ ಬುಧವಾರ ನಡೆದಿದೆ.

ನಗರದ ಜಹಿರಾಬಾದ್ ನಿವಾಸಿ ಅಜಿಂ (22) ಮೃತ ಯುವಕ ಎಂದು ಗುರುತಿಸಲಾಗಿದೆ.

ಕೆರೆ ದಡದಲ್ಲಿ ಕುದುರೆ ಮಾತ್ರ ಇರುವುದನ್ನು ಕಂಡಾಗ ಯುವಕ ನೀರು ಪಾಲಾಗಿರುವ ಶಂಕೆ ವ್ಯಕ್ತವಾಗಿದೆ.

ಅಗ್ನಿಶಾಮಕ ದಳ ಸಿಬ್ಬಂದಿ ಎರಡು ತೆಪ್ಪಗಳಲ್ಲಿ ಯುವಕನ ದೇಹಕ್ಕಾಗಿ ಶೋಧ ಕಾರ್ಯ ನಡೆಸಿದ್ದಾರೆ. ಕುಟುಂಬ ಸದಸ್ಯರು ಕೂಡ ಎರಡು ತೆಪ್ಪಗಳಲ್ಲಿ ದೇಹಕ್ಕಾಗಿ ಶೋಧ ಕಾರ್ಯ ಮುಂದುವರೆಸಿದ್ದಾರೆ.