ಆಫ್ರಿಕಾ- ಜಿಂಬಾಬ್ವೆ ಐತಿಹಾಸಿಕ ಟೆಸ್ಟ್‌: ಎರಡೇ ದಿನಕ್ಕೆ ಅಂತ್ಯ

ಪೋರ್ಟ್‌ ಎಲಿಜಬೆತ್‌: ಜಿಂಬಾಬ್ವೆ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಮೊದಲ ಐತಿಹಾಸಿಕ 4 ದಿನದ ಏಕೈಕ ಟೆಸ್ಟ್‌ ಎರಡೇ ದಿನದಲ್ಲಿ ಅಂತ್ಯವಾಗಿದೆ. ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡ ಇನಿಂಗ್ಸ್‌ ಹಾಗೂ 120 ರನ್‌ನಿಂದ ಜಯ ಸಾಧಿಸಿದೆ.

ಇಲ್ಲಿಯವರೆಗೆ ಟೆಸ್ಟ್‌ ಪಂದ್ಯ 5 ದಿನಗಳ ಕಾಲ ನಡೆಯುತ್ತಿತ್ತು. ಆದರೆ ಇದೇ ಮೊದಲ ಬಾರಿಗೆ 4 ದಿನದ ಅಂತಾರಾಷ್ಟ್ರೀಯ ಟೆಸ್ಟ್‌ ಪಂದ್ಯವನ್ನು ಆಯೋಜಿಸಲಾಗಿತ್ತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ದಕ್ಷಿಣ ಆಫ್ರಿಕಾ 309 ರನ್‌ಗೆ 9 ವಿಕೆಟ್‌ ಕಳೆದುಕೊಂಡು ಡಿಕ್ಲೇರ್‌ ಮಾಡಿಕೊಂಡಿತ್ತು. ದಕ್ಷಿಣ ಆಫ್ರಿಕಾ ಪರ ಮಕ್ರಾರ್ಮ್ (125 ರನ್‌) ಶತಕ ದಾಖಲಿ ಸಿದ್ದರು. ಗುರಿ
ಬೆನ್ನುಹತ್ತಿದ ಜಿಂಬಾಬ್ವೆ ಮೊದಲ ಇನಿಂಗ್ಸ್‌ನಲ್ಲಿ 68 ರನ್‌ಗೆ ಮತ್ತು 2ನೇ ಇನಿಂಗ್ಸ್‌ನಲ್ಲಿ 121 ರನ್‌ಗೆ ಆಲೌಟ್‌ ಆಗಿ ಸೋಲುಂಡಿದೆ.

ಸಂಕ್ಷಿಪ್ತ ಸ್ಕೋರ್‌: ದಕ್ಷಿಣ ಆಫ್ರಿಕಾ 1ನೇ ಇನಿಂಗ್ಸ್‌ 309/9 (ಮಕ್ರಾರ್ಮ್ 125, ಡಿವಿಲಿಯರ್ 53, ಜರ್ವಿಸ್‌ 57ಕ್ಕೆ 3) ಜಿಂಬಾಬ್ವೆ 68/10 ಮತ್ತು 121/10