ರೂಡಿ ಸೆಕೆಂಡ್‌ ಬದಲು ಹೆನ್ರಿ ಕ್ಲಾಸೆನ್‌ ಸೇರ್ಪಡೆ

ಜೊಹಾನ್ಸ್‌ಬರ್ಗ್‌: ಮುಂಬರುವ ಭಾರತ ಪ್ರವಾಸಕ್ಕಾಗಿ ಕಳೆದ ವಾರವಷ್ಟೇ ತನ್ನ ಟೆಸ್ಟ್‌ ತಂಡವನ್ನು ಪ್ರಕಟಿಸಿದ ದಕ್ಷಿಣ ಆಫ್ರಿಕಾ, ಈಗ ಇದರಲ್ಲಿ ಅನಿವಾರ್ಯವಾಗಿ ಒಂದು ಬದಲಾವಣೆ ಮಾಡಿಕೊಂಡಿದೆ. ವಿಕೆಟ್‌ ಕೀಪರ್‌ ರೂಡಿ ಸೆಕೆಂಡ್‌ ಗಾಯಾಳಾದ ಕಾರಣ ಇವರ ಸ್ಥಾನಕ್ಕೆ ಹೆನ್ರಿ ಕ್ಲಾಸೆನ್‌ ಅವರನ್ನು ಸೇರಿಸಿಕೊಳ್ಳಲಾಗಿದೆ.

ರೂಡಿ ಸೆಕೆಂಡ್‌ ದಕ್ಷಿಣ ಆಫ್ರಿಕಾ “ಎ’ ತಂಡದ ಪರ ಅಭ್ಯಾಸ ನಡೆಸುತ್ತಿದ್ದಾಗ ಗಾಯಾಳಾಗಿದ್ದು, ಅವರಿಗೆ ತುರ್ತು ಶಸ್ತ್ರಚಿಕಿತ್ಸೆಯ ಅಗತ್ಯವಿದೆ ಎಂದು “ಸೌತ್‌ ಆಫ್ರಿಕಾ ಕ್ರಿಕೆಟ್‌’ ತಿಳಿಸಿದೆ.

ಸದ್ಯ ದಕ್ಷಿಣ ಆಫ್ರಿಕಾ “ಎ’ ತಂಡ ಭಾರತ ಪ್ರವಾಸದಲ್ಲಿದ್ದು, ಈ ತಂಡದಲ್ಲಿ ಕ್ಲಾಸೆನ್‌ ಕೂಡ ಇದ್ದಾರೆ. “ಎ’ ತಂಡಗಳ ನಡುವೆ ಆ. 29ರಿಂದ ತಿರುವನಂತಪುರದಲ್ಲಿ 5 ಪಂದ್ಯಗಳ ಏಕದಿನ ಸರಣಿ ಆರಂಭವಾಗಲಿದೆ.

ಪರಿಷ್ಕೃತ ಟೆಸ್ಟ್‌ ತಂಡ
ಫಾ ಡು ಪ್ಲೆಸಿಸ್‌ (ನಾಯಕ), ಟೆಂಬ ಬವುಮ, ಥಿಯುನಿಸ್‌ ಡಿ ಬ್ರುಯಿನ್‌, ಕ್ವಿಂಟನ್‌ ಡಿ ಕಾಕ್‌, ಡೀನ್‌ ಎಲ್ಗರ್‌, ಜುಬೇರ್‌ ಹಮ್ಜ, ಕೇಶವ್‌ ಮಹಾರಾಜ್‌, ಐಡನ್‌ ಮಾರ್ಕ್‌ರಮ್‌, ಸೇನುರನ್‌ ಮುತ್ತುಸಾಮಿ, ಲುಂಗಿ ಎನ್‌ಗಿಡಿ, ಅನ್ರಿಚ್‌ ನೋರ್ಜೆ, ವೆರ್ನನ್‌ ಫಿಲಾಂಡರ್‌, ಡೇನ್‌ ಪೀಟ್‌, ಕಾಗಿಸೊ ರಬಾಡ, ಹೆನ್ರಿಕ್‌ ಕ್ಲಾಸೆನ್‌.