ಮುರುಘಾಮಠಕ್ಕೆ ಸಚಿವ ಬಿ.ಸಿ. ಪಾಟೀಲ್‌ ಭೇಟಿ

ಸೊರಬ: ಕೃಷಿ ಸಚಿವ ಬಿ.ಸಿ.ಪಾಟೀಲ್‌ ಅವರು ಡಾ| ಮಹಾಂತ ಸ್ವಾಮೀಜಿಯ ಆಹ್ವಾನದ ಮೇರೆಗೆ, ಕೃಷಿ ಖಾತೆಗೆ ಸಂಬಂಧಪಟ್ಟ ಕಾರವಾರ ಜಿಲ್ಲಾ ಪ್ರವಾಸದ ಮಾರ್ಗ ಮಧ್ಯೆ ಸೊರಬದ ಮುರುಘಾಮಠಕ್ಕೆ ಭೇಟಿ ನೀಡಿದರು.

ಡಾ| ಮಹಾಂತ ಸ್ವಾಮೀಜಿ ಅವರು ಮಠದ ವತಿಯಿಂದ ಸಚಿವರನ್ನು ಸನ್ಮಾನಿಸಿ ಮಾತ ನಾಡಿ, ಮೂಲತಃ ಸೊರಬ ತಾಲೂಕಿನವರೇ ಆದ ಬಿ.ಸಿ. ಪಾಟೀಲ್‌ ಅವರು ಕೃಷಿ ಸಚಿವರಾಗಿದ್ದು ಸಂತೋಷವಾಗಿದೆ. ಅವರು ಕೃಷಿ ಕ್ಷೇತ್ರಕ್ಕೆ ವಿಶೇಷ ಯೋಜನೆ ಹಾಗೂ ಕಾರ್ಯಕ್ರಮಗಳನ್ನು ನೀಡಲಿ ಎಂದು ಹಾರೈಸಿದರು. ಕೃಷಿ ಸಚಿವ ಬಿ.ಸಿ ಪಾಟೀಲ್‌ ಅವರು ಜಡೆ ಸಂಸ್ಥಾನ ಮಠ ಹಾಗೂ ಸೊರಬ ಮುರುಘಾ ಮಠದ ಡಾ| ಮಹಾಂತ ಸ್ವಾಮೀಜಿ ಅವರನ್ನು ಸನ್ಮಾನಿಸಿದರು.

ಅಖೀಲ ಭಾರತ ವೀರಶೈವ ಮಹಾಸಭಾ ತಾಲೂಕು ಘಟಕದ ವತಿಯಿಂದ ಕೃಷಿ ಸಚಿವ ಬಿ.ಸಿ. ಪಾಟೀಲ್‌ ಅವರನ್ನು ಸನ್ಮಾನಿಸಲಾಯಿತು. ಬಸವರಾಜ್‌ ಬಾರಂಗಿ, ಇಂದೂಧರ್‌ ಒಡೆಯರ್‌, ಎಂ. ನಾಗಪ್ಪ, ಚಂದ್ರಶೇಖರ್‌, ಲಿಂಗರಾಜು, ನಾಗರಾಜ್‌ ಗುತ್ತಿ, ನಟರಾಜ್‌, ಲಕ್ಷ್ಮೀಕಾಂತ್‌, ರೇಣುಕಮ್ಮ ಗೌಳಿ, ಸಂಧ್ಯಾ ಇತರರಿದ್ದರು.