ಕೆಲ ರೈಲು ಸಂಚಾರ ಮಾರ್ಪಾಡು

ಹುಬ್ಬಳ್ಳಿ: ನೈಋತ್ಯ ರೈಲ್ವೆ ಕೆಲವು ರೈಲುಗಳ ಸಂಚಾರದಲ್ಲಿ ಮಾರ್ಪಾಡು ಮಾಡಿದ್ದು, ರೈಲುಗಳ ಸಮಯವನ್ನು ಪರಿಷ್ಕರಿಸಿದೆ. ಬೆಂಗಳೂರು-ಮೈಸೂರು ಮೆಮು ಸ್ಪೆಷಲ್‌ (06575/06576) ರೈಲು ಮಾ.18ರಿಂದ ವಾರದಲ್ಲಿ 6 ದಿನ ಭಾನುವಾರ ಹೊರತುಪಡಿಸಿ ಸಂಚರಿಸಲಿದೆ. ಸಂಜೆ 5:20ಕ್ಕೆ ಬೆಂಗಳೂರು ನಗರದಿಂದ ಹೊರಡಲಿದ್ದು, ಮೈಸೂರಿಗೆ ರಾತ್ರಿ 8:20ಕ್ಕೆ ಆಗಮಿಸಲಿದೆ. ಅದೇ ರೀತಿ ಮೈಸೂರಿನಿಂದ ರಾತ್ರಿ 8:30ಕ್ಕೆ ಪ್ರಯಾಣಬೆಳೆಸುವ ರೈಲು ಮಧ್ಯರಾತ್ರಿ 1:50ಕ್ಕೆ ಬೆಂಗ ಳೂರು ನಗರಕ್ಕೆ ಬಂದು ಸೇರಲಿದೆ.

ರೈಲು ಸಂಚಾರ ರದ್ದು: ಮಾ. 18ರಿಂದ ಬೆಂಗಳೂರು ನಗರ-ರಾಮನಗರಂ ಮೆಮು (66538/66537) ರೈಲು ಸಂಚಾರ ತಾತ್ಕಾಲಿಕವಾಗಿ ರದ್ದುಗೊಳಿಸಲಾಗಿದೆ. ರೇಕ್‌ಗಳ ಕೊರತೆ ಕಾರಣದಿಂದಾಗಿ ಬೆಂಗಳೂರು ನಗರ-ರಾಮನಗರಂ (66539/66540)
ರೈಲು ಸಂಚಾರವನ್ನು ರದ್ದುಪಡಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.