Advertisement
ಬುಧವಾರ ರಾತ್ರಿ “ವಾಂಖೇಡೆ ಸ್ಟೇಡಿಯಂ’ನಲ್ಲಿ ನಡೆದ ಪಂದ್ಯದಲ್ಲಿ ರೋಹಿತ್‌ ಪಡೆ 37 ರನ್ನುಗಳಿಂದ ಚೆನ್ನೈಗೆ ಆಘಾತವಿಕ್ಕಿತು. ಇದು 4ನೇ ಪಂದ್ಯದಲ್ಲಿ ಧೋನಿ ಬಳಗಕ್ಕೆ ಎದುರಾದ ಮೊದಲ ಸೋಲು.
Related Articles
Advertisement
ಕೇದಾರ್‌ ವಿಫ‌ಲ ಹೋರಾಟಚೆನ್ನೈ ಸರದಿಯಲ್ಲಿ ಕೇದಾರ್‌ ಜಾಧವ್‌ ಹೊರತುಪಡಿಸಿ ಉಳಿದವರ್ಯಾರೂ ಕ್ರೀಸ್‌ ಆಕ್ರಮಿಸಿಕೊಳ್ಳಲಿಲ್ಲ. 54 ಎಸೆತ ಎದುರಿಸಿದ ಜಾಧವ್‌ 58 ರನ್‌ ಹೊಡೆದರು (8 ಬೌಂಡರಿ, 1 ಸಿಕ್ಸರ್‌). ಅನಂತರದ ಹೆಚ್ಚಿನ ಗಳಿಕೆ 16 ರನ್‌ ಮಾಡಿದ ಸುರೇಶ್‌ ರೈನಾ ಅವರದು. ಇವರ ಕ್ಯಾಚನ್ನು ಒಂದೇ ಕೈಯಲ್ಲಿ ಅಮೋಘ ರೀತಿಯಲ್ಲಿ ಪಡೆದ ಪೊಲಾರ್ಡ್‌ ಕೂಡ ಪಂದ್ಯದ ತಿರುವಿಗೆ ಕಾರಣರು ಎನ್ನಲಡ್ಡಿಯಿಲ್ಲ. 33 ರನ್ನಿಗೆ 3 ವಿಕೆಟ್‌ ಕಳೆದುಕೊಂಡ ಚೆನ್ನೈತಂಡವನ್ನು ಜಾಧವ್‌-ಧೋನಿ ಸೇರಿಕೊಂಡು ಮೇಲೆತ್ತಲು ಯತ್ನಿಸಿದರು. ಇವರಿಬ್ಬರಿಂದ 9.1 ಓವರ್‌ಗಳ ಜತೆಯಾಟ ನಡೆಯಿತು. ಆದರೆ ರನ್‌ಗತಿ ಮಾತ್ರ ಏರಲಿಲ್ಲ. ಈ ಅವಧಿಯಲ್ಲಿ ಬಂದದ್ದು ಕೇವಲ 44 ರನ್‌. ಧೋನಿ 12 ರನ್ನಿಗೆ 21 ಎಸೆತ ಎದುರಿಸಿದರು. ಇದರಲ್ಲಿ ಒಂದೂ ಬೌಂಡರಿ ಹೊಡೆತ ಇರಲಿಲ್ಲ. ಧೋನಿ, ಜಡೇಜ 2 ರನ್‌ ಅಂತರದಲ್ಲಿ ಪೆವಿಲಿಯನ್‌ ಸೇರಿಕೊಂಡೊಡನೆ ಚೆನ್ನೈ ಸೋಲು ಖಚಿತಗೊಂಡಿತು. ಪ್ರತಿಯೊಂದು ಪಂದ್ಯವೂ ಮುಖ್ಯ
“ನಮ್ಮದು ಮುಂಬೈ ಇಂಡಿಯನ್ಸ್‌ ಬ್ರ್ಯಾಂಡ್‌ ಕ್ರಿಕೆಟ್‌. ನಮಗೆ ಪ್ರತಿಯೊಂದು ಪಂದ್ಯವೂ ಮುಖ್ಯವಾದದ್ದು. ಮೊದಲೆರಡು ಪಂದ್ಯಗಳನ್ನು ಸೋತಾಗ ನಮಗೆ ಉಳಿದ ಪಂದ್ಯಗಳ ಮಹತ್ವ ಅರಿವಾಯಿತು. ಲೀಗ್‌ ಹಂತದ ಕೊನೆಯಲ್ಲಿ ಸತತವಾಗಿ ಪಂದ್ಯಗಳನ್ನು ಗೆಲ್ಲುವ ಒತ್ತಡಕ್ಕಿಂತ ಆರಂಭದಿಂದಲೇ ಗೆಲುವು ಸಾಧಿಸುತ್ತ ಹೋಗಬೇಕಾದುದು ಮುಖ್ಯ’ ಎಂದು ಪ್ರತಿಕ್ರಿಯಿಸಿದವರು ಮುಂಬೈ ಇಂಡಿಯನ್ಸ್‌ ತಂಡದ ನಾಯಕ ರೋಹಿತ್‌ ಶರ್ಮ. “ನಾವು ಈ ಪಂದ್ಯವನ್ನು ಅತ್ಯಂತ ನೀರಸವಾಗಿ ಆರಂಭಿಸಿ ಅಮೋಘ ರೀತಿಯಲ್ಲಿ ಮುಗಿಸಿದೆವು’ ಎಂದೂ ರೋಹಿತ್‌ ಹೇಳಿದರು.