ಸೊಲ್ಲಾಪುರ: ಇಲ್ಲಿನ ತುಳಜಾಪುರ ಹೆದ್ದಾರಿಯಲ್ಲಿ ಕಾರೊಂದರ ಟಯರ್‌ ಸ್ಫೋಟಗೊಂಡ ಪರಿಣಾಮ ಸಂಭವಿಸಿದ ಭೀಕರ ಅವಘಡದಲ್ಲಿ ವಿಜಯಪುರದ ಮೂವರು ಸೇರಿದಂತೆ 5 ಮಂದಿ ದಾರುಣವಾಗಿ ಸಾವನ್ನಪ್ಪಿ 9 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಸ್ವಿಫ್ಟ್ ಕಾರಿನ ಟಯರ್‌ ಸ್ಫೋಟಗೊಂಡು ನಿಯಂತ್ರಣ ತಪ್ಪಿ ರಸ್ತೆ ಬದಿಯಲ್ಲಿ ಟಯರ್‌ ಬದಲಾಯಿಸಲು ನಿಂತಿದ್ದ ಬೊಲೆರೋಗೆ ಗುದ್ದಿ ಬಳಿಕ ಸ್ಥಳದಲ್ಲಿ ಚಹಾ ಕುಡಿಯಲು ನಿಂತಿದ್ದ ಇಬ್ಬರ ಮೇಲೆ ಹರಿದಿದೆ.
ಕಾರಿನಲ್ಲಿದ್ದ ಮೂವರು ದಾರುಣವಾಗಿ ಸಾವನ್ನಪ್ಪಿದ್ದಾರೆ.
ಮೃತರ ಪೈಕಿ ಬಸವನಬಾಗೇವಾಡಿಯ ಕನ್ನಾಳದ ಉಮರ್‌ಸಾಬ್‌ ಚಪ್ಪರ್‌ ಬಂದ್‌ (23)ಅಬ್ದುಲ್‌ ಸಾಬ್‌ ಚಪ್ಪರ್‌ ಬಂದ್‌ (40)ಮತ್ತು ಅಮೀರ್‌ ನಂದವಾಡಗಿ ಎಂದು ತಿಳಿದು ಬಂದಿದೆ.
ತುಳಜಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.
