Advertisement
ಎರಡು ಲೋಡು ಘನ ತ್ಯಾಜ್ಯಬಡಗನ್ನೂರು ಗ್ರಾ.ಪಂ. ಬಾಡಿಗೆಯ ಪಿಕಪ್‌ ಮತ್ತು ಇಬ್ಬರು ಕಾರ್ಮಿಕರ ಮೂಲಕ ರಕ್ಷಿತಾರಣ್ಯದಲ್ಲಿದ್ದ ಸುಮಾರು ಎರಡು ಲೋಡು ತ್ಯಾಜ್ಯವನ್ನು ಸಂಗ್ರಹಿಸಿ, ಸುಳ್ಯಪದವಿನಲ್ಲಿರುವ ತ್ಯಾಜ್ಯ ಘಟಕಕ್ಕೆ ಸಾಗಿಸಿದೆ. ಇದೀಗ ರಕ್ಷಿತಾರಣ್ಯ ಸ್ವಚ್ಛಗೊಂಡಿದ್ದು, ಇನ್ನು ಮುಂದೆ ತ್ಯಾಜ್ಯ ಎಸೆಯುವರನ್ನು ಪತ್ತೆ ಹಚ್ಚಿ ಕ್ರಮ ಕೈಗೊಳ್ಳುವ ಕೆಲಸ ಪಂಚಾಯತ್‌, ಅರಣ್ಯ ಮತ್ತು ಪೊಲೀಸ್‌ ಇಲಾಖೆಯಿಂದ ಆಗಬೇಕಾಗಿದೆ ಎಂದು ಸಾರ್ವಜನಿಕರು ಅಭಿಪ್ರಾಯಿಸಿದ್ದಾರೆ.
ಪಾಣಾಜೆ ಅರಣ್ಯ ಉಪವಲಯದ ಅರಣ್ಯ ಸಿಬಂದಿ ಉಮೇಶ್‌, ವೆಂಕಪ್ಪ ನೇತೃತ್ವದಲ್ಲಿ ಘನ ತ್ಯಾಜ್ಯ ಸಾಗಿಸಲಾಯಿತು. ಅರಣ್ಯ ಇಲಾಖೆ ಸಿಬಂದಿ ಉಮೇಶ್‌ ಅವರು ರಕ್ಷಿತಾರಣ್ಯದಲ್ಲಿ ತ್ಯಾಜ್ಯ ಎಸೆಯದಂತೆ ಎಚ್ಚರಿಸುವ ಫ‌ಲಕವನ್ನು ಸ್ವಂತ ಖರ್ಚಿನಲ್ಲಿ ಇನ್ನೆರಡು ದಿನಗಳಲ್ಲಿ ಅಳವಡಿಸುವುದಾಗಿ ತಿಳಿಸಿದ್ದಾರೆ. ಕಸ ಎಸೆಯುವವರನ್ನು ಪತ್ತೆ ಹಚ್ಚಿ, ಸ್ವಚ್ಛತೆಗೆ ಸಹಕರಿಸುವಂತೆ ಅಧಿಕಾರಿಗಳು ಗ್ರಾಮಸ್ಥರಲ್ಲಿ ಮನವಿ ಮಾಡಿದ್ದಾರೆ.