ಸಾಮಾಜಿಕ ಅಂತರ, ಮಾಸ್ಕ್ ಕಡ್ಡಾಯ: ಆಲಬಾಳ

ಜಮಖಂಡಿ: ಕೋವಿಡ್ ಮಹಾಮಾರಿ ವೈರಸ್‌ನಿಂದ ನಿರ್ಗತಿಕರು, ವಿಧವೆಯರು, ವೃದ್ಧರಿಗೆ ದುಡಿಮೆಯಿಲ್ಲದೆ ಜನರಿಗೆ ಸಹಾಯ ಮಾಡಬೇಕು ಎಂದು ರಾಘವೇಂದ್ರ ಆಲಬಾಳ ಹೇಳಿದರು.

ನಗರದ ಕೊಳಚೆ ಪ್ರದೇಶ, ಕಡಕೋಳ ಹಾಗೂ ಆಲಗೂರ ಪುನರವಸತಿ ಕೇಂದ್ರದ ಬಡ ಕುಟುಂಬಗಳಿಗೆ ಆಹಾರ ಸಾಮಗ್ರಿಗಳ ಕಿಟ್‌ ವಿತರಣೆ ಸಹಿತ ನಗದು ಧನ ಸಹಾಯ ಮಾಡಿದ ನಂತರ ಅವರು ಮಾತನಾಡಿದರು. ಕೊರೊನಾ ತಡೆಗಟ್ಟುವಲ್ಲಿ ಸಾಮಾಜಿಕ ಅಂತರ, ಮುಖಕ್ಕೆ ಮಾಸ್ಕ್ ಕಡ್ಡಾಯವಾಗಿ ಪಾಲಿಸಬೇಕು. ಮಹಾಮಾರಿ ಕೋವಿಡ್ ವೈರಸ್‌ದಿಂದ ವಿಶ್ವಕ್ಕೆ ಮುಕ್ತಿ ಸಿಗಬೇಕು ಎಂದರು.

ಪವನ ದೇವರಮನಿ, ಮಾರುತಿ ಗೋಂದಳೆ, ದೀಪಕ ತರತರಿ, ಆದೀತ್ಯ ಆಲಬಾಳ, ದರ್ಶನ ಕಡಕೋಳ, ಸುಧಾಕರ ರಾಹುಲ ಭಜಂತ್ರಿ, ಆಕಾಶ ತಳಗಡೆ ಇತರರು ಇದ್ದರು