ಈ ವಾರ ಸ್ಮೈಲ್‌ ಪ್ಲೀಸ್‌!

ಗುರುನಂದನ್‌ ಅಭಿನಯದ “ಸ್ಮೈಲ್‌ ಪ್ಲೀಸ್‌’ ಚಿತ್ರ ಈ ವಾರ ತೆರೆಗೆ ಅಪ್ಪಳಿಸುತ್ತಿದೆ. ಕೆ. ಮಂಜು ನಿರ್ಮಾಣದ ಈ ಸಿನಿಮಾಗೆ ರಘು ಸಮರ್ಥ್ ನಿರ್ದೇಶಕರು. ಟಿ.ಎನ್‌. ಸೀತಾರಾಮ್‌ ಬಳಿ ಸಹನಿರ್ದೇಶಕರಾಗಿ ಹಾಗೂ ಹಲವಾರು ಟಿವಿ ಧಾರಾವಾಹಿಗಳಿಗೆ ಸಂಭಾಷಣೆಯನ್ನು ಬರೆದಿರುವ ರಘು ಸಮರ್ಥ್ಗೆ ಇದು ಮೊದಲ ನಿರ್ದೇಶನದ ಸಿನಿಮಾ. ಕಥೆ, ಚಿತ್ರಕಥೆ, ಸಂಭಾಷಣೆಯನ್ನೂ ರಘು ಸಮರ್ಥ್ ಬರೆದಿದ್ದಾರೆ.  

ಈ ಚಿತ್ರದಲ್ಲಿ ಗುರುನಂದನ್‌ಗೆ ಕಾವ್ಯಾಶೆಟ್ಟಿ ನಾಯಕಿ. ನೇಹಾಪಾಟೀಲ್‌ ಕೂಡ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಚಿತ್ರಕ್ಕೆ ಜೆ.ಎಸ್‌. ವಾಲಿ ಕ್ಯಾಮೆರಾ ಹಿಡಿದರೆ, ಅನೂಪ್‌ ಸೀಳಿನ್‌ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ  ರಂಗಾಯಣರಘು, ಶ್ರೀನಿವಾಸ್‌ ಪ್ರಭು, ಸುಧಾ ಬೆಳವಾಡಿ, ಅರುಣಾ ಬಾಲರಾಜ್‌ ಮುಂತಾದವರಿದ್ದಾರೆ.