ಲಂಕಾ 246 ರನ್‌ ಜಯಭೇರಿ

ಗಾಲೆ: ಪಾಕಿಸ್ಥಾನವನ್ನು 246 ರನ್ನುಗಳ ಬೃಹತ್‌ ಅಂತರ ದಿಂದ ಮಗುಚಿ ದ್ವಿತೀಯ ಪಂದ್ಯ ವನ್ನು ಗೆದ್ದ ಶ್ರೀಲಂಕಾ, ಟೆಸ್ಟ್‌ ಸರಣಿಯನ್ನು 1-1 ಸಮಬಲದಲ್ಲಿ ಮುಗಿಸಿದೆ.

ಗೆಲುವಿಗೆ 508 ರನ್ನುಗಳ ಕಠಿನ ಸವಾಲು ಪಡೆದಿದ್ದ ಪಾಕಿಸ್ಥಾನ, ಅಂತಿಮ ದಿನದಾಟದಲ್ಲಿ 261ಕ್ಕೆ ಆಲೌಟ್‌ ಆಯಿತು. ಪ್ರಭಾತ್‌ ಜಯಸೂರ್ಯ 5, ರಮೇಶ್‌ ಮೆಂಡಿಸ್‌ 4 ವಿಕೆಟ್‌ ಉಡಾಯಿಸಿ ಲಂಕಾ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಪಾಕ್‌ ಪರ ನಾಯಕ ಬಾಬರ್‌ ಆಜಂ ಹೋರಾಟವೊಂದನ್ನು ನಡೆಸಿ 81 ರನ್‌ ಹೊಡೆದರು. ಧನಂಜಯ ಡಿಸಿಲ್ವ ಪಂದ್ಯಶ್ರೇಷ್ಠ, ಪ್ರಭಾತ್‌ ಜಯಸೂರ್ಯ ಸರಣಿಶ್ರೇಷ್ಠರಾಗಿ ಮೂಡಿಬಂದರು.