Skydiving; ಕೇಂದ್ರ ಸಚಿವ ಗಜೇಂದ್ರ ಶೇಖಾವತ್‌ ವೀಡಿಯೋ ವೈರಲ್‌

ಹೊಸದಿಲ್ಲಿ: ಸ್ಕೈ ಡೈವಿಂಗ್‌ಗೆಂದೇ ಮೀಸಲಾದ ಭಾರತದ ಮೊದಲ ವಿಮಾನ ವಿಟಿ-ಎಸ್‌ಬಿಎಸ್‌ಗೆ ಕೇಂದ್ರ ಪ್ರವಾಸೋದ್ಯಮ ಸಚಿವ ಗಜೇಂದ್ರ ಸಿಂಗ್‌ ಶೇಖಾವತ್‌ ಶನಿವಾರ ಚಾಲನೆ ನೀಡಿದ್ದಾರೆ. ಅಲ್ಲದೇ ವಿಶ್ವ ಸ್ಕೈ ಡೈವಿಂಗ್‌ ದಿನದ ಪ್ರಯುಕ್ತ ಖುದ್ದು ತಾವೂ ಸ್ಕೈ ಡೈವಿಂಗ್‌ ಮಾಡಿ, ಹರ್ಷ ವ್ಯಕ್ತಪಡಿಸಿದ್ದಾರೆ.

ಹರಿಯಾ ಣದ ನರ್ನಾಲ್‌ನಲ್ಲಿರುವ ಸ್ಕೈಡೈವಿಂಗ್‌ ಡ್ರಾಪ್‌ ಜೋನ್‌ ಸ್ಕೈ ಹೈನಲ್ಲಿ ಶೇಖಾವತ್‌ ಸ್ಕೈಡೈ ವಿಂಗ್‌ ನಡೆಸಿದ್ದಾರೆ. ಡೈವ್‌ ಮಾಡುತ್ತಾ “ಮಜಾ ಬರುತ್ತಿದೆ’ ಎಂದಿರುವ ಅವರ ವೀಡಿಯೋ ಕೂಡ ವೈರಲ್‌ ಆಗಿದೆ. ಬಳಿಕ ಮಾತನಾಡಿದ ಅವರು, ” ನಮ್ಮ ಪ್ರವಾಸೋದ್ಯಮವು ನೆಲದಿಂದ ಆಕಾಶದ ವರೆಗೆ ವಿಸ್ತರಿಸುತ್ತಿರುವುದರ ಬಗ್ಗೆ ಹೆಮ್ಮೆ ಇದೆ. ಸ್ಕೈ ಡೈವಿಂಗ್‌ ಅನುಭವ ಇನ್ನು ಪಡೆಯಲು ಭಾರತೀಯರು ಬೇರೆಡೆ ಹೋಗಬೇಕಿಲ್ಲ’ ಎಂದಿದ್ದಾರೆ.