ಮನುಷ್ಯರ ನಡುವೆ 6 ಅಡಿ ಅಂತರವಿದ್ದರೂ ಸೋಂಕು ಹರಡಬಲ್ಲದು : ಅಮೆರಿಕ ತಜ್ಞರ ಎಚ್ಚರಿಕೆ

ವಾಷಿಂಗ್ಟನ್‌: ಕೊರೊನಾ ಗಾಳಿಯಿಂದ ಹರಡುವಂಥ ವೈರಾಣುವಾಗಿದ್ದು, ಮನುಷ್ಯರ ನಡುವೆ 6 ಅಡಿಯಷ್ಟು ಅಂತರವಿದ್ದರೂ ಅದು ಒಬ್ಬರಿಂದ ಮತ್ತೂಬ್ಬರಿಗೆ ಹರಡಬಲ್ಲದು ಎಂದು ಅಮೆರಿಕ ಆರೋಗ್ಯ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿರುವ ಅತಿ ದೊಡ್ಡ ಸರ್ಕಾರಿ ಸಂಸ್ಥೆಯೆನಿಸಿರುವ “ರೋಗ ನಿಯಂತ್ರಣ ಹಾಗೂ ನಿವಾರಣಾ ಕೇಂದ್ರ’ (ಯುಎಸ್‌ಡಿಸಿಪಿ) ಇತ್ತೀಚೆಗೆ ಬಿಡುಗಡೆ ಮಾಡಿರುವ ತನ್ನ ಹೊಸ ಮಾರ್ಗಸೂಚಿಯಲ್ಲಿ ತಿಳಿಸಿದೆ.

ಮೊದಲು ಮೂಗಿನಲ್ಲಿ ತೂರಿಕೊಂಡು ಬಾಯಿ – ಗಂಟಲು ನಡುವಿನ ಕಿರುನಾಲಗೆ ಹಾಗೂ ಅದರ ಮೇಲ್ಭಾಗದ ಮ್ಯೂಕಸ್‌ ಮೆಂಬ್ರೇನ್‌ನಲ್ಲಿ ಉಳಿದುಕೊಂಡು ಆನಂತರ ಶ್ವಾಸಕೋಶದೊಳಕ್ಕೆ ಇಳಿಯುತ್ತದೆ.

ನಿಜ ಹೇಳಬೇಕೆಂದರೆ ಆರು ಅಡಿಗಳ ಅಂತರ ಯಾವ ಪ್ರಯೋಜನಕ್ಕೂ ಬರುವುದಿಲ್ಲ. ಅಷ್ಟು ಅಂತರವಿದ್ದರೂ ಕೊರೊನಾ ವೈರಾಣುಗಳು ತ್ವರಿತವಾಗಿಯೇ ಒಬ್ಬರಿಂದ ಮತ್ತೂಬ್ಬರಿಗೆ ಹರಡಬಲ್ಲವು ಎಂದು ಯುಎಸ್‌ಡಿಸಿಪಿ ತಿಳಿಸಿದೆ. ಅಲ್ಲದೆ, ಗಾಳಿಯಲ್ಲಿ ಈ ವೈರಾಣುಗಳು ಕೆಲ ನಿಮಿಷಗಳಿಂದ ಗಂಟೆಗಟ್ಟಲೆ ಹಾರಾಡುತ್ತಾ ಇರಬಲ್ಲವು ಎಂದು ಅದು ಎಚ್ಚರಿಸಿದೆ.

ಇದನ್ನೂ ಓದಿ :ಕೇಂದ್ರ ಸಚಿವ ಪ್ರತಾಪ್ ಸಾರಂಗಿ ಪ್ರಯಾಣಿಸುತ್ತಿದ್ದ ಕಾರು ಅಪಘಾತ