ಥಾಣೆ : ಎಟಿಎಂ ಕಾರ್ಡ್‌ ವಂಚನೆ ಜಾಲದ 6 ಮಂದಿ ಅರೆಸ್ಟ್‌

ಥಾಣೆ : ಬ್ಯಾಂಕ್‌ ಗ್ರಾಹಕರ ಖಾತೆಯಿಂದ ಹಣ ಕೊಳ್ಳೆ ಹೊಡೆಯುವ ಎಟಿಎಂ ಕಾರ್ಡ್‌ ಜಾಲದ ಆರು ಮಂದಿಯನ್ನು ಬಂಧಿಸುವುದರೊಂದಿಗೆ ತಾವು ಈ ಜಾಲವನ್ನು ಭೇದಿಸಿರುವುದಾಗಿ ಥಾಣೆ ಪೊಲೀಸರು ಹೇಳಿಕೊಂಡಿದ್ದಾರೆ. ಬಂಧಿತರಲ್ಲಿ ಇಬ್ಬರು ಉತ್ತರ ಪ್ರದೇಶದವರಾಗಿದ್ದಾರೆ.

ಬಂಧಿತರಲ್ಲಿ ಒಬ್ಟಾತನು ತಾನು ಫಿಲಂ ಪ್ರೊಡಕ್ಷನ್‌ ಮ್ಯಾನೇಜರ್‌ ಆಗಿ ಕೆಲಸ ಮಾಡಿಕೊಂಡಿರುವವನೆಂದು ಹೇಳಿದ್ದಾನೆ. 

ಕಳೆದ ಮೇ 10ರಂದು ಮುಂಬಯಿ – ಅಹ್ಮದಾಬಾದ್‌ ಹೈವೇಯಲ್ಲಿನ ನೈಗಾಂವ್‌ ಎಂಬಲ್ಲಿ ಎಟಿಎಂ ಕಾರ್ಡ್‌ ವಂಚನೆ ಖದೀಮರನ್ನು  ಖಚಿತ ಸುಳಿವಿನ ಆಧಾರದಲ್ಲಿ  ಖೆಡ್ಡಾಗೆ ಬೀಳಿಸಲಾಯಿತು ಎಂದು ಸಹಾಯಕ ಪೊಲೀಸ್‌ ಕಮಿಷನರ್‌ (ಕ್ರೈಂ) ಮುಕುಂದ್‌ ಹತೋಟೆ ತಿಳಿಸಿದ್ದಾರೆ. 

ಈ ಜಾಲದ ಖದೀಮರು ಬ್ಯಾಂಕ್‌ ಗ್ರಾಹಕರ ಪಿನ್‌ ನಂಬರ್‌ ಕದ್ದು  ಎಟಿಎಂ ಹ್ಯಾಕ್‌ ಮಾಡಿ ಹಣ ಲಪಟಾಯಿಸುತ್ತಿದ್ದರು ಎಂದು ಹತೋಟೆ ತಿಳಿಸಿದರು.