Simple Shooter; ಎರಡೂ ಕಣ್ಣು ತೆರೆದೇ ಗುರಿ ಇಡುವ ಶೂಟಿಂಗ್‌ ಸ್ಟಾರ್‌!

ಪ್ಯಾರಿಸ್‌: ಒಂದೇ ರಾತ್ರಿಯಲ್ಲಿ ಟರ್ಕಿಯ “ಸಿಂಪಲ್‌ ಶೂಟರ್‌’ ಯೂಸುಫ್ ಡಿಕೆಚ್‌ ಫೇಮಸ್‌ ಆಗಿದ್ದಾರೆ. ಪ್ಯಾರಿಸ್‌ ಒಲಿಂಪಿಕ್ಸ್‌ ನಲ್ಲಿ ಉಳಿದ ಶೂಟರ್‌ಗಳಂತೆ ಕಣ್ಣಿಗೆ ಯಾವುದೇ ಉಪಕರಣಗಳನ್ನೂ ಬಳಸದೆ, ಮಾಮೂಲಿ ಕನ್ನಡಕ ಹಾಕಿ, ಒಂದು ಕೈಯನ್ನು ಪ್ಯಾಂಟ್‌ ಕಿಸೆಯಲ್ಲಿ ಟ್ಟುಕೊಂಡು ಸ್ಪರ್ಧಿಸಿರುವ ಅವರ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. 51 ವರ್ಷದ ಡಿಕೆಚ್‌, ಎರಡೂ ಕಣ್ಣುಗಳನ್ನೂ ತೆರೆದೇ ಶೂಟ್‌ ಮಾಡುವ ಕೌಶಲ ಹೊಂದಿದ್ದಾರೆ ಎನ್ನುವುದು ವಿಶೇಷ!

10 ಮೀ. ಏರ್‌ ಪಿಸ್ತೂಲ್‌ ಮಿಶ್ರ ತಂಡ ಸ್ಪರ್ಧೆಯಲ್ಲಿ ಯೂಸುಫ್ ಡಿಕೆಚ್‌ ಮತ್ತು ಸೆವ್ವಲ್‌ ಇಳಯ್ದ ಅವರಿದ್ದ ಟರ್ಕಿ ತಂಡ ಬೆಳ್ಳಿಗೆ ಗುರಿಯಿಟ್ಟಿತು. ಈ ವೇಳೆ ಡಿಕೆಚ್‌, ಗುರಿ ಇಡುವುದಕ್ಕಾಗಿ ಇತರ ಶೂಟರ್‌ಗಳು ಬಳಸುವ ಕಣ್ಣಿನ ಯಾವುದೇ ಉಪಕರಣವನ್ನು ಬಳಸದೆ, ಸಾದಾ ಸೀದವಾಗಿ ಸ್ಪರ್ಧಿಸಿದ್ದು ಕ್ರೀಡಾಭಿಮಾನಿಗಳನ್ನು ಬೆರಗುಗೊಳಿಸಿತ್ತು.

ಟರ್ಕಿಯ ಮಾಜಿ ಸೈನಿಕ
ಟರ್ಕಿಯ ಸೇನೆಯಲ್ಲಿ ನಾನ್‌ ಕಮಿಷನ್ಡ್ ಅಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದ ಡಿಕೆಚ್‌, ದಿನಂಪ್ರತಿ ಶೂಟಿಂಗ್‌ ಅಭ್ಯಾಸ ಮಾಡುವುದನ್ನೇ ಹವ್ಯಾಸವಾಗಿಸಿಕೊಂಡಿ ದ್ದರು. ನಿಮಿಷಗಟ್ಟಲೆ ತದೇಕಚಿತ್ತದಿಂದ ನೋಡುವುದು ಅವರಿಗೆ ಅಭ್ಯಾಸವಾಗಿತ್ತು. ಹೀಗಾಗಿ ಯಾವುದೇ ವಿಶೇಷ ಉಪಕರಣಗಳ ಸಹಾಯವಿಲ್ಲದೇ ಡಿಕೆಚ್‌ ಬೆಳ್ಳಿ ಜಯಿಸಿದರು.