ಮೆಕ್ಕೆಕಟ್ಟು  ಶ್ರೀ ನಂದಿಕೇಶ್ವರ ದೇವರಿಗೆ ರಜತ ಪ್ರಭಾವಳಿ ಸಮರ್ಪಣೆ

ಕೋಟ: ಮೆಕ್ಕೆಕಟ್ಟು ಶ್ರೀ ನಂದಿಕೇಶ್ವರ ದೇವರಿಗೆ ದಾನಿಗಳಾದ ಶಿರಿಯಾರ ಮೇಲ್ಮನೆಗೆ ಸೇರಿದ, ಗುಲ್ವಾಡಿ ಬಡಾಮನೆ ಕುಟುಂಬಸ್ಥರು ಸೇವೆ ಯಾಗಿ ನೀಡಿದ ರಜತ ಪ್ರಭಾವಳಿಯ ಸಮರ್ಪಣೆ ಕಾರ್ಯಕ್ರಮ ಫೆ.26ರಂದು ನಡೆಯಿತು.

ಈ ಸಂದರ್ಭ ರಜತ ಪ್ರಭಾವಳಿ ಸಮರ್ಪಣೆ, ನಂದಿಕೇಶ್ವರ ಪರಿವಾರ ದೇವರಿಗೆ ವಿಶೇಷ ಪೂಜೆ, ದರ್ಶನ ಸೇವೆ ಮುಂತಾದ ಧಾರ್ಮಿಕ ಕಾರ್ಯಕ್ರಮ ಗಳು ನೆರವೇರಿದವು. ದಾನಿಗಳನ್ನು ದೇಗುಲದ ವತಿಯಿಂದ ಗೌರವಿಸಲಾಯಿತು.

ದೇಗುಲದ ವ್ಯವಸ್ಥಾಪನ ಸಮಿತಿಯ ಅಧ್ಯಕ್ಷರು ಹಾಗೂ ಸದಸ್ಯರು, ದಾನಿಗಳು ಹಾಗೂ ಭಕ್ತಾದಿಗಳು ಈ  ಸಂದರ್ಭ ಉಪಸ್ಥಿತರಿದ್ದರು.