ಜೈಪುರ: ಬಾಲಿವುಡ್ ನ ಕ್ಯೂಟ್‌ ಲವ್‌ ಬರ್ಡ್ಸ್‌ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಕಿಯಾರಾ ಅಡ್ವಾಣಿ ಅದ್ಧೂರಿ ವಿವಾಹ ಸಮಾರಂಭದಲ್ಲಿ ಸಪ್ತಪದಿ ತುಳಿದು ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ.
ರಾಜಸ್ಥಾನದ ಜೈಸಲ್ಮೇರ್ ಪ್ಯಾಲೇಸ್ ನಲ್ಲಿ ಫೆ.7 ರಂದು ( ಮಂಗಳವಾರ) ʼಶೇರ್ ಷಾʼ ಜೋಡಿಯ ವಿವಾಹ ನೆರವೇರಿದ್ದು, ವಿವಾಹಕ್ಕೆ ಬಾಲಿವುಡ್ ಕಲಾವಿದರು, ಗಣ್ಯರು ಸಾಕ್ಷಿಯಾಗಿ, ನವ ಜೋಡಿಗೆ ಶುಭ ಹಾರೈಸಿದೆ.
ಮಂಗಳವಾರ ರಾತ್ರಿ ನವಜೋಡಿ ತಮ್ಮ ಮದುವೆಯ ಫೋಟೋಗಳನ್ನು ಹಂಚಿಕೊಂಡು, ಕಿಯಾರಾ, ಸಿದ್ದಾರ್ಥ್‌ “ನಮ್ಮದು ಶಾಶ್ವತವಾಗಿ ಬುಕಿಂಗ್‌ ಆಯಿತೆಂದು” ಕ್ಯಾಪ್ಷನ್‌ ಬರೆದುಕೊಂಡಿದೆ. ಪತ್ನಿ ಕಿಯಾರಾ ತನ್ನ ಹ್ಯಾಂಡ್ಸಮ್‌ ಪತಿಗೆ ಮುತ್ತು ಕೊಟ್ಟು, ಕೈ,ಕೈ ಹಿಡಿದುಕೊಂಡು ಕೂತಿರುವ ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಸಾವಿರಾರು ಮಂದಿ ಫ್ಯಾನ್ಸ್‌, ಹತ್ತಾರು ಸ್ಟಾರ್ಸ್‌, ಗಣ್ಯರು ನವ ಜೋಡಿಗೆ ಶುಭ ಹಾರೈಸಿದೆ.
ಶಾಹಿದ್‌ ಕಪೂರ್‌ ದಂಪತಿ, ನಿರ್ಮಾಪಕ ಕರಣ್ ಜೋಹರ್‌, ನಟಿ ಮಲೈಕಾ, ಇಶಾ ಅಂಬಾನಿ ಸೇರಿದಂತೆ ಹಲವರು ಮಂದಿ ವಿವಾಹದಲ್ಲಿ ಭಾಗಿಯಾಗಿದ್ದರು.
ಕೆಲ ವರ್ಷಗಳಿಂದ ಕಿಯಾರಾ- ಸಿದ್ದಾರ್ಥ್‌ ಜೊತೆಯಾಗಿಯೇ ಕಾಣಿಸಿಕೊಂಡರೂ ಎಲ್ಲೂ ಕೂಡ ತಮ್ಮ ಪ್ರೀತಿಯ ಬಗ್ಗೆ ಹೇಳಿಕೊಂಡಿರಲಿಲ್ಲ.
