“ಸಿದ್ದು ಶಾಸ್ತ್ರ ನಿಜವಾಗಿಲ್ಲ, ಸೋಮಣ್ಣ ಮಾತು ನಂಬಿ’

ಹುಣಸೂರು: ಈ ಉಪ ಚುನಾವಣೆಯಲ್ಲಿ ಕನಿಷ್ಠ ಹತ್ತು ಸ್ಥಾನಗೆಲ್ಲದಿದ್ದರೆ ನಮ್ಮಂತವರು ರಾಜಕಾರಣದಲ್ಲಿ ಮುಂದುವರಿಯಬಾರದು. ಸಿದ್ದರಾಮಯ್ಯ ಹೇಳಿದ ಶಾಸ್ತ್ರ ಯಾವುದೂ ನಿಜವಾಗಿಲ್ಲ. ಈ ಸೋಮಣ್ಣ ಹೇಳುವ ಮಾತನ್ನು ನಂಬಿ ಎಂದು ಉಸ್ತುವಾರಿ ಸಚಿವ ವಿ. ಸೋಮಣ್ಣ ಮನವಿ ಮಾಡಿದರು. ತಾಲೂಕಿನ ಗಾವಡಗೆರೆ ಹೋಬಳಿಯ ಮುಳ್ಳೂರಿನಲ್ಲಿ ಪ್ರಚಾರ ಸಭೆಯಲ್ಲಿ ಮಾತನಾಡಿ, ಕಾಂಗ್ರೆಸ್‌ನಲ್ಲೀಗ ಸಿದ್ದರಾಮಯ್ಯ ನವರ ಸ್ಟಾರ್‌ ಕಡಿಮೆಯಾಗಿದೆ.

ನನ್ನಪ್ಪನಾಣೆ, ದೇವರಾಣೆ, ಜನ ಸಿದ್ದರಾಮಯ್ಯನ ಮಾತು ಕೇಳಲ್ಲ ಎಂದರು. ಸರ್ಕಾರದಲ್ಲಿ ವಿಶ್ವನಾಥರಂತಹ ಹಿರಿಯರ ಮಾರ್ಗದರ್ಶನ ವಿರಬೇಕು. ಇಂಥವರ ದೂರ ದೃಷ್ಟಿಯಿಂದ ಹಿಂದೆ ಶಿಕ್ಷಣ ಕ್ಷೇತ್ರದಲ್ಲಿ ಆಮೂಲಾಗ್ರ ಬದಲಾವಣೆ ಕಂಡಿತ್ತು. ತಾಲೂಕಿನ ಸರ್ವ ತೋಮುಖ ಅಭಿವೃದ್ಧಿಗಾಗಿ ಮತ್ತೆ ಕಮಲದ ಗುರುತಿಗೆ ಮತನೀಡುವ ಮೂಲಕ ತಮಗೆ ಹಾಗೂ ಪಕ್ಷಕ್ಕೆ ಶಕ್ತಿ ತುಂಬಬೇಕು ಎಂದರು.