.ನೀವು ಖರೀದಿಸಬೇಕೆಂದಿರುವ ವಸ್ತುವಿನ ಅಗತ್ಯ ನಿಮಗೆ ಎಷ್ಟಿದೆ ಎಂದು ಲೆಕ್ಕ ಹಾಕಿ.
.ಯಾವುದೇ ವಸ್ತುವನ್ನಾಗಲಿ ಖರೀದಿಸಬೇಕು ಅನ್ನಿಸಿದ ಕೂಡಲೇ ಖರೀದಿ ಮಾಡಬೇಡಿ. ಒಂದೆರಡು ದಿನ ಕಾಯಿರಿ.
Advertisement
.ಆನ್‌ಲೈನ್‌ ಶಾಪಿಂಗ್‌ ಸೈಟ್‌ಗಳು ಆಕರ್ಷಕ ರಿಯಾಯಿತಿ ದರದಲ್ಲಿ ವಸ್ತುಗಳನ್ನು ಮಾರಾಟ ಮಾಡುತ್ತವೆ ಮತ್ತು ಪದೇ ಪದೇ ನೋಟಿಫಿಕೇಶನ್‌ಗಳ ಮೂಲಕ ನಿಮ್ಮನ್ನು ಖರೀದಿಗೆ ಪ್ರಚೋದಿಸುತ್ತವೆ. ಹಾಗಾಗಿ, ಶಾಪಿಂಗ್‌ ಸೈಟ್‌ಗಳ ನೋಟಿಫಿಕೇಷನ್‌ ಅನ್ನು ಆಫ್ ಮಾಡಿ.
.ಪ್ರತಿ ತಿಂಗಳೂ ಆಯ-ವ್ಯಯದ ಬಜೆಟ್‌ ರೂಪಿಸಿ. ಅದನ್ನು ಕಟ್ಟುನಿಟ್ಟಾಗಿ ಪಾಲಿಸಿ.
.ಶಾಪಿಂಗ್‌ಗೆ ಮುನ್ನ ನಿಮ್ಮ ಬೇಕು-ಬೇಡಗಳ ಕುರಿತು ಪ್ಲಾನ್‌ ರೂಪಿಸಿ.
. ಶಾಪಿಂಗ್‌ಗೆ ಹೋಗುವಾಗ ಅಗತ್ಯವಿದ್ದಷ್ಟು ಹಣ ಮಾತ್ರ ಕೊಂಡೊಯ್ಯಿರಿ.
.ಅಗತ್ಯವಿದ್ದರೆ ಮಾತ್ರ ಬ್ಯಾಂಕ್‌ನಿಂದ ಕ್ರೆಡಿಟ್‌ ಕಾರ್ಡ್‌ ಪಡೆಯಿರಿ.
.ಸ್ನೇಹಿತರ, ಸಂಬಂಧಿಕರ ಬಳಿ ಇದೆ ಎಂಬ ಕಾರಣದಿಂದ ಅನಗತ್ಯ ವಸ್ತುಗಳ ಮೇಲೆ ಹಣ ಸುರಿಯಬೇಡಿ.
.ನಿಮ್ಮ ಶಾಪಿಂಗ್‌ ಕ್ರೇಜ್‌ ಮೇಲೆ ಕಡಿವಾಣ ಹಾಕಬಲ್ಲ ವ್ಯಕ್ತಿಯೊಂದಿಗೆ ಶಾಪಿಂಗ್‌ಗೆ ಹೋಗಿ.
.ನಿಮ್ಮ ಒಂದು ದಿನದ ಸಂಬಳ ಎಷ್ಟೆಂದು ಲೆಕ್ಕಹಾಕಿ (ಒಟ್ಟು ಸಂಬಳ/30 ದಿನ) ನಂತರ ನೀವು ಖರೀದಿಸಬೇಕೆಂದಿರುವ ವಸ್ತುವಿನ ಬೆಲೆಯ ಜೊತೆಗೆ ಅದನ್ನು ಹೋಲಿಸಿ. ಆ ವಸ್ತು ಪಡೆಯಲು ನೀವು ಎಷ್ಟು ದಿನ ದುಡೀಬೇಕು ಅಂತ ಯೋಚಿಸಿ. ಆಗ, ಅನಗತ್ಯ ವಸ್ತುಗಳ ಖರೀದಿ ನಿಯಂತ್ರಿಸಬಹುದು.