ಆಘಾತಕಾರಿ ಪ್ರಕರಣ: 50 ರೂ. ಕದ್ದಿದ್ದಕ್ಕೆ ಮಗನನ್ನೇ ಕೊಂದ ಅಪ್ಪ!

ಮುಂಬೈ: ಹಣ ಕದ್ದ ಎನ್ನುವ ಕಾರಣಕ್ಕೆ ತಂದೆಯೊಬ್ಬ 10 ವರ್ಷದ ಮಗನನ್ನೇ ಕೊಂದಿರುವ ಘಟನೆ ಮಹಾರಾಷ್ಟ್ರದ ಥಾಣೆಯಲ್ಲಿ ನಡೆದಿದೆ.

ವಗೋಭಾ ನಗರದ ನಿವಾಸಿಯಾಗಿರುವ ಸಂದೀಪ್‌ ಮಗನನ್ನು ಕೊಂದಿರುವ ಆರೋಪಿ. ಸಂದೀಪ್‌ನ ಮಗ ಗುರುವಾರದಂದು ಅಪ್ಪನ ಜೇಬಿನಲ್ಲಿದ್ದ 50 ರೂ. ಕದ್ದಿದ್ದನಂತೆ. ಆ ಹಿನ್ನೆಲೆಯಲ್ಲಿ ಆತ ಮಗನಿಗೆ ಸಾಯುವಷ್ಟು ಹೊಡೆದಿದ್ದಾನೆ.

ಈ ವಿಚಾರವನ್ನು ಅಕ್ಕ-ಪಕ್ಕದ ಮನೆಯವರು ಪೊಲೀಸರಿಗೆ ಮುಟ್ಟಿಸಿದ್ದಾರೆ. ಪೊಲೀಸರು ಮನೆಗೆ ಬಂದು ಬಾಲಕನನ್ನು ಆಸ್ಪತ್ರೆಗೆ ಕರೆದೊಯ್ಯುವುದರೊಳಗೆ ಆತ ಅಸುನೀಗಿದ್ದಾನೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ತಂದೆಯ ವಿರುದ್ಧ ಕೇಸು ದಾಖಲಿಸಿಕೊಂಡಿದ್ದಾರೆ ಮತ್ತು ಆತನನ್ನು ಬಂಧಿಸಿದ್ದಾರೆ.

ಇದನ್ನೂ ಓದಿ:ಬುಲೆಟ್‌ ಟ್ರೈನ್‌ಗೆ “ಚರಕ’ದ ಸ್ಪರ್ಶ ಮಾರ್ಗದುದ್ದಕ್ಕೂ ಸೋಲಾರ್‌ ಶಕ್ತಿಯ ಬಳಕೆಗೆ ತೀರ್ಮಾನ