Shivamogga; ರೈಲು ಇಳಿಯುವಾಗ ಬಲಗಾಲು ಕಳೆದುಕೊಂಡ ಯುವಕ

ಶಿವಮೊಗ್ಗ : ರೈಲು ಇಳಿಯಲು ಹೋದ ಯುವಕನೊಬ್ಬ ಆಯತಪ್ಪಿ ಬಿದ್ದು ಬಲಗಾಲು ಕಳೆದುಕೊಂಡ ಘಟನೆ ನಗರದ ಮಹಾದೇವಿ ಟಾಕೀಸ್ ನಿಲ್ದಾಣದಲ್ಲಿ ನಡೆದಿದೆ.

ಕುಣಿಗಲ ತಾಲೂಕಿನ ಎಡೆಯೂರು ನಾಗಸಂದ್ರದ ನಾಗರಾಜ್ ಅಪಘಾತಕ್ಕೆ ಒಳಗಾದ ಯುವಕ ಎಂದು ಗುರುತಿಸಿಲಾಗಿದೆ. ಕಡೂರು ಪೊಲೀಸ್ ತರಬೇತಿ ಶಾಲೆಯಲ್ಲಿ ತರಬೇತಿ ಪಡೆಯುತ್ತಿದ್ದ ಎನ್ನಲಾಗಿದೆ. ಬೆಂಗಳೂರು- ಶಿವಮೊಗ್ಗ ಇಂಟರ್ ಸಿಟಿ ರೈಲು ಮಧ್ಯಾಹ್ನ 2.45 ಕ್ಕೆ ಮಹಾದೇವಿ ಟಾಕೀಸ್ ನಿಲ್ದಾಣ ತಲುಪಿದ್ದು ಈ ವೇಳೆ ಆಯತಪ್ಪಿ ಬಿದ್ದು ರೈಲಿನ ಗಾಲಿಗೆ ಕಾಲು ಸಿಲುಕಿಕೊಂಡಿದೆ. ಬಲಗಾಲು ಪೂರ್ಣ ಕಟ್ ಆಗಿದ್ದು ಎಡಗಾಲಿಗೂ ಗಾಯಗಳಾಗಿವೆ.

ತತ್ ಕ್ಷಣ ರೈಲ್ವೆ ಪೊಲೀಸ್, ಕೋಟೆ ಠಾಣೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಆಸ್ಪತ್ರೆಗೆ ಶಿಫ್ಟ್ ‌ಮಾಡಿದ್ದಾರೆ.