ಮರಾಠಿ ಭಾಷೆಯಲ್ಲೇ ಪ್ರಮಾಣ ವಚನ ಸ್ವೀಕರಿಸುವ ಶಿವಸೇನೆ ಸಂಸದರು

ಥಾಣೆ : ಹದಿನೇಳನೇ ಲೋಕಸಭೆಯ ಪ್ರಮಾಣ ವಚನವನ್ನು ಹೊಸದಾಗಿ ಚುನಾಯಿತರಾಗಿರುವ ಶಿವಸೆನೆಯ ಸಂಸದರು ಮರಾಠಿ ಭಾಷೆಯಲ್ಲೇ ಸ್ವೀಕರಿಸಲಿದ್ದಾರೆ ಎಂದು ಪಕ್ಷದ ನಾಯಕರೋರ್ವರು ತಿಳಿಸಿದ್ದಾರೆ.

ಮಹಾರಾಷ್ಟ್ರದಲ್ಲಿನ ಒಟ್ಟು 48 ಲೋಕಸಭಾ ಸೀಟುಗಳ ಪೈಕಿ 18 ಸೀಟುಗಳನ್ನು ಉದ್ಧವ್‌ ಠಾಕ್ರೆ ನೇತೃತ್ವದ ಶಿವಸೇನೆ ಗೆದ್ದುಕೊಂಡಿದೆ. ಶಿವಸೇನೆಯ ಮಿತ್ರಪಕ್ಷವಾಗಿರುವ ಬಿಜೆಪಿ 23 ಸೀಟುಗಳನ್ನು ಬಾಚಿಕೊಂಡಿದೆ.

‘ಪ್ರಮಾಣ ವಚನ ಸ್ವೀಕರಿಸುವ ಭಾಷೆಯನ್ನು ಆಯ್ಕೆ ಮಾಡುವ ಸ್ವಾತಂತ್ರ್ಯ ಸಂಸದರಿಗಿದೆ. ನಮಗೆ ನೆಲದ ಮರಾಠಿ ಭಾಷೆಯ ಬಗ್ಗೆ ಅಪಾರ ಅಭಿಮಾನವಿದೆ. ಎಲ್ಲಕ್ಕಿಂತ ಮುಖ್ಯವಾಗಿ ಶಿವಸೇನೆ ಜನ್ಮ ತಳದದ್ದೇ ಮರಾಠಿ ನಾಡು-ನುಡಿಯ ರಕ್ಷಣೆ ಮತ್ತು ಪೋಷಣೆಗಾಗಿ. ಆದುದರಿಂದ ನಮ್ಮ ಎಲ್ಲ ನೂತನ ಸಂಸದರು ಮರಾಠಿ ಭಾಷೆಯಲ್ಲೇ ಪ್ರಮಾಣ ವಚನ ಸ್ವೀಕರಿಸುತ್ತಾರೆ’ ಎಂದು ಕಲ್ಯಾಣ ಕ್ಷೇತ್ರದ ಸೇನೆಯ ಸಂಸದ ಶ್ರಿಕಾಂತ ಶಿಂಧೆ ಹೇಳಿದರು.