ಉತ್ತರ ಗೋವೆಯನ್ನು ಪಟ್ಟಿಯಿಂದ ಕೈಬಿಟ್ಟ ಶಿವಸೇನೆ; ದ.ಗೋವೆಯಿಂದ ಮಾತ್ರ ಸ್ಪರ್ಧೆ

ಪಣಜಿ: ಗೋವೆಯ ಎರಡೂ ಲೋಕಸಭಾ ಕ್ಷೇತ್ರಗಳಿಂದ ತಾನು ಸ್ಪರ್ಧಿಸುವುದಾಗಿ ಈ ಮೊದಲು ಹೇಳಿದ್ದ ಶಿವಸೇನೆ ಇದೀಗ ಉತ್ತರ ಗೋವೆಯನ್ನು ತನ್ನ ಪಟ್ಟಿಯಿಂದ ಕೈಬಿಡಲು ನಿರ್ಧರಿಸಿದೆ. ದಕ್ಷಿಣ ಗೋವೆಯಿಂದ ಮಾತ್ರವೇ ತಾನು ಸ್ಪರ್ಧಿಸುವುದಾಗಿ ಹೇಳಿದೆ.

ಗೋವೆಯ ಎರಡೂ ಲೋಕಸಭಾ ಕ್ಷೇತ್ರಗಳನ್ನು ಪ್ರಕೃತ ಬಿಜೆಪಿ ಪ್ರತಿನಿಧಿಸುತ್ತಿದೆ.

ಶಿವಸೇನೆಯ ರಾಜ್ಯ ಘಟಕದ ಉಪಾಧ್ಯಕ್ಷೆ ರಾಖೀ ಪ್ರಭು ದೇಸಾಯಿ ನಾಯಕ್‌ ಅವರು ದಕ್ಷಿಣ ಗೋವಾ ಕ್ಷೇತ್ರದಿಂದ ತಮ್ಮ ನಾಮಪತ್ರ ಸಲ್ಲಿಸಿದ್ದಾರೆ. ಇಲ್ಲಿ ಅವರು ಬಿಜೆಪಿಯ ನರೇಂದ್ರ ಸವಾಯ್‌ಕರ್‌, ಕಾಂಗ್ರೆಸ್‌ನ ಫ್ರಾನ್ಸಿಸ್ಕೋ ಸಾರ್ಡಿನಾ ಮತ್ತು ಆಪ್‌ ಅಭ್ಯರ್ಥಿ ಎಲ್ವಿಸ್‌ ಗೋಮ್ಸ್‌ ಅವರನ್ನು ಎದುರಿಸಲಿದ್ದಾರೆ.

ಶಿವಸೇನೆಯ ರಾಜ್ಯ ಘಟಕದ ಅಧ್ಯಕ್ಷ ಜಿತೇಶ್‌ ಕಾಮತ್‌ ಅವರು ಈ ಹಿಂದೆ ತಾನು ಉತ್ತರ ಗೋವೆಯಿಂದ ಸ್ಪರ್ಧಿಸುವುದಾಗಿ ಹೇಳಿದ್ದರು. ಆದರೆ ಈಗ ತಾನು ಕಣಕ್ಕೆ ಇಳಿಯದಿರಲು ನಿರ್ಧರಿಸಿದ್ದಾರೆ.