ಶಿರ್ವ: ಅಪಾಯಕಾರಿ ಸ್ಥಿತಿಯಲ್ಲಿ ಹೈಟೆನ್ಶನ್‌ ವಿದ್ಯುತ್‌ ಕಂಬ

ಶಿರ್ವ: ಆತ್ರಾಡಿ-ಶಿರ್ವ-ಬಜಪೆ ರಾಜ್ಯ ಹೆದ್ದಾರಿಯ ಶಿರ್ವ -ಬೆಳ್ಮಣ್‌ ಮುಖ್ಯ ರಸ್ತೆಯ ದೇವಿಕೃಪಾ ಕಾಂಪ್ಲೆಕ್ಸ್‌ ಬಳಿ ಕಬ್ಬಿಣದ ಹೈಟೆನ್ಶನ್‌ ವಿದ್ಯುತ್‌ ಕಂಬವೊಂದರ ಬುಡ ತುಕ್ಕು ಹಿಡಿದಿದ್ದು ಅಪಾಯಕಾರಿ ಸ್ಥಿತಿಯಲ್ಲಿದೆ.

ಮುಖ್ಯ ರಸ್ತೆಯ ಬದಿಯಲ್ಲಿರುವ ಹಳೆಯ ವಿದ್ಯುತ್‌ ಕಂಬದ ಬುಡದಲ್ಲಿ ಹಾಕಿದ ಕಾಂಕ್ರೀಟ್‌ ಸವೆದಿದೆ. ಕಾಂಕ್ರೀಟ್‌ನ ಮೇಲ್ಭಾಗದಲ್ಲಿ ಕಂಬ ತುಕ್ಕು ಹಿಡಿದಿದ್ದು ಕುಸಿತದ ಭೀತಿಯಲ್ಲಿದೆ.

ರಾಜ್ಯ ಹೆದ್ದಾರಿ ವಿಸ್ತರಣೆಯಾಗುವಾಗ ಅಪಾಯ ಕಾರಿಯಾಗಿದ್ದ ಕೆಲವು ಕಬಿ½ಣದ ಕಂಬಗಳನ್ನು ಸ್ಥಳಾಂತರಿಸಿ ಹೊಸ ಕಂಬಗಳನ್ನು ಹಾಕಲಾಗಿತ್ತು. ಇದೇ ರಸ್ತೆಯಲ್ಲಿ ಮುಂದಕ್ಕೆ ಇರುವ ಇನ್ನೂ 5-6 ಕಬ್ಬಿಣದ ಕಂಬಗಳು ಕಾಂಕ್ರೀಟ್‌ ಬಿರುಕು ಬಿಟ್ಟು ತುಕ್ಕು ಹಿಡಿದ ಸ್ಥಿತಿಯಲ್ಲಿವೆ.