ತೋಟದಮನೆ ಶಿರ್ಡಿ ಸಾಯಿಬಾಬಾ ಮಂದಿರ: ಗುರು ಪೂರ್ಣಿಮಾ; ವಿಶೇಷ ಕಾರ್ಯಕ್ರಮ

ಮಲ್ಪೆ: ಕೊಡವೂರು ತೋಟದಮನೆ ಶಿರ್ಡಿ ಸಾಯಿಬಾಬಾ ಮಂದಿರದಲ್ಲಿ ಜು. 3ರಂದು ಗುರು ಪೂರ್ಣಿಮೆಯ ಪ್ರಯುಕ್ತ ವಿಶೇಷ ಕಾರ್ಯಕ್ರಮ ನಡೆಯಲಿದೆ.

ಪ್ರಾತಕಾಲ 5ಕ್ಕೆ ಕಾಕಡ ಆರತಿ, ಮಂಗಳ ಸ್ನಾನ, ಅಲಂಕಾರ ಪೂಜೆ ನಡೆಯಲಿದೆ. 9 ಗಂಟೆಗೆ ಸಾಯಿ ಸತ್ಯನಾರಾಯಣ ಪೂಜೆ,ನೈವೇದ್ಯ ,ಮಹಾಪೂಜೆ ಜರಗಿ ಮಧ್ಯಾಹ್ನ ಅನ್ನಸಂತರ್ಪಣೆ ನಡೆಯಲಿರುವುದು. ಮಧ್ಯಾಹ್ನ 1ರಿಂದ ಭಜನಾ ಕಾರ್ಯಕ್ರಮ, ಸಂಜೆ ಧೂಪಾರತಿ, ಅನ್ನ
ಪ್ರಸಾದ ರಾತ್ರಿ ಶೇಜಾರತಿ ನಡೆಯಲಿದೆ.

ಬೆಂಗಳೂರಿನ ಚಿಗುರು ನೃತ್ಯಾಲಯ ಲೀಲಾಮಾಧವೀಯಂ ನೃತ್ಯ ರೂಪಕ ನಡೆಯಲಿದೆ ಎಂದು ಶಿರ್ಡಿ ಸಾಯಿಬಾಬಾ ಮಂದಿರ ಆಡಳಿತ ಮೊಕ್ತೇಸರ ಕೆ. ದಿವಾಕರ ಶೆಟ್ಟಿ ತಿಳಿಸಿದ್ದಾರೆ.