ಸಂಭ್ರಮದಲ್ಲಿ ತವರಿಗೆ ಮರಳಿದ ರಾಜಸ್ಥಾನ ರಾಯಲ್ಸ್ ಆಟಗಾರ ಹೆಟ್ಮೆಯರ್ ; ಕಾರಣ?

ಮುಂಬಯಿ: ರಾಜಸ್ಥಾನ ರಾಯಲ್ಸ್ ಭಾನುವಾರ (ಮೇ 8) ತಮ್ಮ ವೆಸ್ಟ್ ಇಂಡೀಸ್ ನ ಬ್ಯಾಟರ್ ಶಿಮ್ರಾನ್ ಹೆಟ್ಮೆಯರ್ ತನ್ನ ಮೊದಲ ಮಗುವಿನ ಜನನಕ್ಕಾಗಿ ಗಯಾನಾಗೆ ತೆರಳಿದ್ದಾರೆ ಎಂದು ಹೇಳಿದೆ.

“ನಾವು  ಹೆಟ್ಮೆಯರ್ ಗೆ ನಮ್ಮಿಂದ ಸಾಧ್ಯವಿರುವ ಎಲ್ಲ ರೀತಿಯಲ್ಲಿ ಸಹಾಯ ಮಾಡುತ್ತಿದ್ದೇವೆ. ನಮ್ಮ ಶುಭಾಶಯಗಳು ಅವರೊಂದಿಗೆ ಮತ್ತು ಅವರ ಪತ್ನಿ ನಿರ್ವಾಣಿಯೊಂದಿಗೆ ಇರುತ್ತವೆ” ಎಂದು ರಾಯಲ್ಸ್ ತನ್ನ ಅಧಿಕೃತ ಟ್ವಿಟ್ ಮಾಡಿದೆ.

ಹೆಟ್ಮೆಯರ್ ಶೀಘ್ರದಲ್ಲೇ ಮುಂಬೈಗೆ ಹಿಂತಿರುಗುತ್ತಾರೆ ಮತ್ತು ಐಪಿಎಲ್‌ನ ಉಳಿದ ಪಂದ್ಯಗಳಿಗೆ ಫ್ರಾಂಚೈಸಿಗಾಗಿ ತಮ್ಮ ಕರ್ತವ್ಯಗಳನ್ನು ಪುನರಾರಂಭಿಸುತ್ತಾರೆ ಎಂದು ಹೇಳಿದೆ.

ಗಮನಾರ್ಹವೆಂಬಂತೆ ಹೆಟ್ಮೆಯರ್ ಐಪಿಎಲ್ 2022 ರಲ್ಲಿ 11 ಇನ್ನಿಂಗ್ಸ್‌ಗಳಲ್ಲಿ 72.75 ರ ಅದ್ಭುತ ಸರಾಸರಿ ಮತ್ತು 166.28 ಸ್ಟ್ರೈಕ್ ರೇಟ್‌ನಲ್ಲಿ 291 ರನ್ ಗಳಿಸುವ ಮೂಲಕ ಅತ್ಯುತ್ತಮ ಫಾರ್ಮ್‌ನಲ್ಲಿದ್ದಾರೆ.

ಪ್ಲೇಆಫ್‌ ಪ್ರವೇಶಿಸಲು ಮುಂದಿನ ಮೂರು ಪಂದ್ಯಗಳಲ್ಲಿ ಅವರಿಗೆ ಈಗ ಒಂದೆರಡು ಪಾಯಿಂಟ್‌ಗಳ ಅಗತ್ಯವಿರುವುದರಿಂದ ಈ ಋತುವಿನಲ್ಲಿ ಆರ್ ಆರ್ ನ ಉತ್ತಮ ಅಭಿಯಾನದ ಹಿಂದಿನ ಪ್ರಮುಖ ಸಾಧಕರಲ್ಲಿ ಒಬ್ಬರು.

ಏತನ್ಮಧ್ಯೆ, ರಾಜಸ್ಥಾನ್ ಹೆಟ್ಮೆಯರ್ ಅವಾರ ಜಾಗಕ್ಕೆ ಜೇಮ್ಸ್ ನೀಶಮ್ ಅಥವಾ ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್ ಅಥವಾ ಡೇರಿಲ್ ಮಿಚೆಲ್ ಅವರನ್ನು ಸೇರಿಸಿಕೊಳ್ಳಬಹುದು.